1991 kum August 4 ni ah, MTS Oceanos tinbaw cu South Africa tikap ih ṭihnungza thlisuar sungah a feh. Tinbaw pi cu a pil thok cuahco thlang tikah captain pa cu officer pawl thawn tinbaw taansan tahrat ih tlansuak dingah thuhrisahcatnak a tuah. Passenger lakin Moss Hill timi British musician cun thil umtu daan a dik nawn lo ti a theithiam tikah South African coast guard hnenah Mayday signal a hei kuat. Cule an kut in thilri an keng ih Moss le a nupi Tracy le an rualpi pawl cu an sawm aw thluh ih passanger zate humhimnak ih ṭhawn thei dingin an bawm, cuti'n helicopter parah khaiso an si ṭheh thei.   A caancaan ah in hruaitu ding tiih kan ruah mi pawl in in ṭumsukter. Siangpahrang Saul le a ralkap bawi pawl in Filistin ralkap mi tumzet Goliath ih hringhronak an ton tikah an ṭih ih an khur (1 Sam. 17:11). Asinan tlangval kum note pakhat awnmawi tum thiam le tuukhal pa David cu Pathian rinsantu a si ruangah a thil hmuh daan a lamdang. David in Goliath hnenah, "Nang cun naam, fei le thal keng in do in tum. Sikhalsehla kei cu na zuammi Israel pawl ih Pathian ziangkim-tithei Bawipa ih hmin in nangmah do dingah ka ra," a ti (c. 45). David in an ralpa Goliath cu a neh ih raldonak dinhmun um zia a lingletter (c. 50). David cun a ral nehnak dingah leitlun hruaitu pawl a zoh lo asinan a nungmi Pathian ih cahnak sawn a rinsan a si.   Midang pawl in in ṭumsukter tikah Pathian kaihruainak rinsan in Amai' hmin sunlawinak dingah Amah ko ding kan si.                                                                                                                Dennis Fisher   Khrih kan thlun tik lawngah midang pawl lamzin dik ah kan hruai thei ding.