Show notes
NITIN MANNA 2019 March 28 Zarhte Ni Nunnak Thingkung Ka kut le ka ke pawl an suntlang ttheh. Ka ruh pawl tla an lang thluh. Ka hnipuan pawl tla an tthen aw ih, ka korfual ngah dingah camcawh fung an zuuk. – Saam 22:16-18 A liam ciami kum maltelai ah ka fanu cu a umnak Michigan saklam ih hmun um minung pawl ih thuanthu in a thinlung a laak nasa. Veikhat cu ṭhaal caan sunhnu ih ka va leenlai ah lamzin pakhat ih an langtermi cu: "Trail Trees" timi a si. I sim -fiangmi cu ahlanlai ah hih rammi pawl in an zummi cu thingkung fate pawl kha an fehnak ding an khihhmuh ih phundangzet ih tthang vingvo dingin an tum. Thukam Hlun in a bang awmi tumtahnak a nei. Bible ih thupek le zirhnak pawl in kan thinlung cu Bawipa ih nunter in duh daan vekih nung thei dingin in khihhmuh. Thukham Pahra pawl cu zohṭhim dingmi an si. Culawng si loin Thukam Hlun ih profet pawl in a ralai dingmi Messiah thu an sim. Jesuh a rat hlan kum thawng reilai ah Bethlehem khua cu – Jesuh ih suahnak ding khua a si zia an sim cia (Micah 5:2 le Matt. 2:1-6). An langtermi cu Jesuh in thinglamtah parih a thihnak thu tla cipciarzet in an rel cia zo (Saam 22:14-18). Cule Isaiah 53:1-12 in Jesuh ih raithawinak a tuah dingmi "Bawipa in cawhkuannak cu a parah a thlenter, kan tuar dingmi kan sualman cawhkuannak cu!" (c. 6) ti'n a sim. [Luka 23:33 zoh]. Kum thawng tampi rei zomi caan ah, Thukam Hlun ih profet pawl in Pathian ih Fapa – Jesuh – thu an sim. "Amah cu kan zonzaihnak tuartu, le kan natnak phurtu a si. A zonzaihnak le a tuarnak pawl cu Pathian ih hremnak a si tiah kan ruat. Amah cu nunnak lamzin a si. Bawipa, na rundamnak thu parah ka lungawi. Jesuh, Nang cu lamzin, thutak le nunnak na si. Ka hrangih nun na pekmi parah ka lungawi. - Cindy Hess Kasper Jesuh in A nunnak kan hrangih Raithawinak ah a hmang.
