Caan tampi ah mi tampi in rong (color) phunzakip in hmun (place) kan timi hi an langter. Inn (house) timi hnakih huapkau deuh in, umnak hmun timi cu sullam, neihmi, le ruangah timi um lomi duhdawtnak le zuamnak nasabik thawn himdam teih um theinak hmun khi a si. Umnak hmun cun kan nunnak thukbik ih kan phum awknak le ciinkennak thawn kutzaap in in ko. Umnak hmun cu famkim lo hmanseh mangbangza a thiltitheinak thawn in pom a si.   Bible in kan umnak ding hmun thu a sim cingcing. Tahṭhimnak ah, Nehemiah in Jerusalem dinsuah saal a si ding a hngakhlapnak thu a ngan (Neh. 1:3-4; 2:2). Cumi cu mangbang ding cu a um lo, cule, Jesuh in hnangam teih kan um theinak ding hmun ah um ding in duhsak. A dungthluntu pawl hnenah, "Thinlung har le beidong in um hlah uh. Pathian zum uhla Keimah khal in zum uh. Ka Pa ih inn ah innkhan tampi a um ih nan hrangih umnak rem dingah ka feh ding. Cutiin si hlah sehla hiti in ka lo sim lo ding," a ti (Johan 14:1-2).   Leitlun lawng a tlaihsantu pawl hrangah hih thukamnak cu hmailam hrangih an ruahsanmi thawn an pehtlai aw men ding. Ziang dang hnakin himnak le hahdamnak lawng ruattu pawl hrangah Jesuh ih thukammi in nikhat ni ih an theih lai dingmi hla mawi ruahsan le Amah thawn hmun khat ih um tlang ding an cuan thei ding.   Ziang a va si hmanah zumnak nun ih na khualtlawnnak ah, himi hi ciing ringring aw: Vanram ah na hrangah umnak hmun a um ih cumi in a lo hngak, na hrangah a si. Cuti si lo sehla Jesuh in a sim lo ding.                                                                                                               Randy Gilkore   Leiram inn kan ciinkennak in Vancung kan inn ruahsannak thawn in khihhmuh hram seh!