Moses in Israel mi pawl ko khawm in biakbuk a sak (Suah. 35-39) tikah, soser thiam Bezalel kha a ṭulmi pawl a tuahter. Ca Thiang in, nunau pawl in a mankhungzetmi an dar thlalang pawl kha Biakbuk hrangih a ṭulmi kut kholhnak darkheng le dar tawdam pawl tuahnak hrangah an pe, ti'n in sim (Suah. 38:8). Cuih nunau pawl cun an neihmi cu Pathian ih umpinak biakbuk hrangah siangzet in an pe a si.   Kan thlalang pawl kan taanta thei ve pei maw? Ziangahtile mi tamsawn hrangah cumi tuah ding cu a harzet men thei. Cumi cu tuah dingih hramhram in dilmi a si lo, asinan cumi in keimah le keimah cipciarzet in i cek awkter ih um nuam lo ko i tuah. Cumi cun keimai' zawn lawng i ruatter ih midang zawn maltuk lawng i ruatter.   Kanmai' hmel lawng kan zohnak kha hngilhsan lohli ih Pathian in kan famkim lo nacing in kan sinak vek cekci ih in duhdawtnak kha kan vun ciingmang asile kanmai' zawn lawng ruat nawn loin kan thinlung cu midang pawl zawnruahnak sawn ah a feh thei ding.      Augustine in, kanmah le kanmah duh awknak a hlo, asinan midang kan duhdawt. Lungawinak thuthup cu kanmai' hmuihmel hmuhnak ah si loin midang zawn kan ruat ih an hrangih kan thinlung, kan nunnak, le kan sinak kan pek caan ahkhin a si sawn, a ti.   Bawipa, tuni ah keimai' hrang hnakin midang hrangah khua ka ruat. Keimah le keimah hngilh aw in midang ṭulnak ruattu i siter aw.                                                                                                               David Roper   Midang pawl ih nunnak a hmuitintu thinlung cun Amai' zawn lawng ruat in a um man lo ding.