John F. Kennedy US president a silai ah, zuktu pawl in thilcangmi a phunphun an rak zuk ngah ṭheu. President cu tamadah zung khaan (Oval Office) sungih cabuai kimvel ah cabinet upa pawl thawn leitlun thuhla ah thu harsazet rel in an el awk rero. Culaifang ah kum 2 mi John-John cu cuih president ih cabuai kimvel ahcun a rak vaak rero, White House innpi sungah rampi hrangih thu harsazet rel laifang caan asinan a fapate cu a pa hnenah ngamzet in a va leengmi a si.   Cumi cu Jesuh in neelzet in, "Abba, Ka Pa! Na hrang ahcun ziang hmuahhmuah a cang thei ṭheh" tiih a pan vek khi a si (Mark 14:36). Pathian cu lei le van ih thuneitu saangbik asinan A Fapa ihsin minung ah a rung cang. Rom 8 sungah, Paul in kanmah thawn neel-aw le naih deuh ih langfiang thei dingin a tarlang. Cutivek thiamthiam in kannih cu a ṭawnṭaimi kan si ruangah kanmah bawm dingah Thlarau a ra. Ziangti'n so thla kan cam ding ti hman kan theih lolai ah hmurka hman in simsuak thei lomi hrum-ainak thawn Thlarau in kan hrangah Pathian hnenah in dil sak (Rom 8:26).   Jesuh cu a famkimmi le a thianghlimmi Pathian, nuhmei nu ih piasen pahnih pekmi cohlang ding, Roman ralkap pai' thlacam ngai sak ding, riahsiatza siahkhongtu pai' thlacam cohlang sak ding le thinglamtah parih mifir pa rundamtu ding a si zia langter dingah a ra. Kannih cun, "Abba, ka Pa" tiih ko ding le Bawipa, in naihsin aw, tiin kan hrum-ainak ihsin thinlung takih kan kawh ding lawng a ttul a si.                                                                                                               Philip Yancey      Thlacam cu Pathian thawn neel awzet ih biak awk a si.