Mi pawl an lungawi caan, an hnaṭuannak diriamzet caan, asilole an nunnom caan ah thusuhnak an tuahmi kan hmu ṭheu. Asinan "Nun thianghlimnak na nei maw?" tiih thusuhnak an tuahmi cu tuni tiang ka thei dah hrih lo. Cuih thusuhnak hi nang teh ziangti'n na let pei?   Bible dictionary pakhat in, "Thianghlimnak (oliness) cu Pathian hrangah a dang teih ret" ti'n a simfiang. Frederick Buechner in, mizia thu a ngannak ah, "Thianhlimnak hnakih atak ih tuah har sawnmi thil dang a um lo. Thianghlimnak cu nunzia mawi (virtue) vekin minung ih tlinnak a si lo. Thianghlimnak cu ... minung ih tuahmi thil khal a si lo, asinan Pathian in minung sungih a tuahmi a si sawn," a ti.   "Pathian in Khrih sungin in pekmi laksawng maksak cu: "Baptism kan laak tikah Amah thawn phummi kan si ih a thihnak ah khal kan ttawm ve; cuvek thotho in Pa ih sunlawinak huham in Khrih kha thihnak ihsin a thawhter bangtuk in kannih khal a thar in kan nung ding" (Rom 6:4). Nun thianghlimnak cu nitin Pathian ih thuthlunnak ih pumpeknak in a ra, mai' tisaduhnak diriamternak ihsin si loin! "Sikhalsehla atu ahcun sualnak ihsin luattermi nan si zo ih Pathian ih sal ah nan cang zo. Nan hlawkmi cu Pathian hnenih hlanmi nunnak thiang a si ih cumi in a suahpimi cu kumkhua nunnak a si" (v. 22).   Nun thianghlimnak na neih deuh maw? Zumtu cun Pathian zaangfahnak le huham in, "Aw, nitin tein thianghlim nun ka nei deuhdeuh" ti'n thulehnak nei thei ding kan si.   David MacCasland   Nun Thianhlimnak nei dingih duhhrilnak tuah cu nunnak le thihnak hrangah thupizet a si.