Zuknung (movie) pakhat "Thir Minung (Man of Steel)" timi 2013 kum ih an suahmi cu Superman thuanthu hrangih khuaruahnak thar a si. Mangbangza le cawl loin nasatak cangvaihnak thawn a khatmi hih movie cu leitlun hmuntin ih zuknung hmuhnak theaters kip ah mipi a hiip nasa. Mi hrekkhat in hih film ih mipi a hiip theinak hi an zuknak technology parah hram a bun, an ti. Midang pawl cun thuanthu danglamzet "Superman mythology" ruangah a si an ti.   Hih zuknung (movie) sungah Lois Lane dinhmun ih lemcangtupa Amy Adams, le lemcangtunu (actress) cun Superman ih mipi hiip theinak parah hmuh daan danglam an nei. An simmi cu, himi hi minung ih kan hngakhlapmi thuhrampi a si: "Zohman ih an zum lomi mi pakhat rak ra tahratin in rung ruunsuak sehla timi hngakhlapnak a si," ti a si.   Cumi cu thusuhnak maksak pakhat a si. Cule himi hrangih thulehnak cu, cuih mi pakhat cu rak ra tahratin in rundam zo, cuih mi pakhat cu Jesuh a si. Jesuh suahnak ding thu thawn pehpar aw in thuthannak tampi an tuah. Cumi sungih pakhat cu vancungmi Gabriel hnen ihsin Joseph hnenih simmi a si: "Amah [Mary] in Fapa a hring dingih a hmin ah JESUH tiah na sak pei, ziangahtile a minung pawl kha an sualnak ihsin a ruun suak ding a si" (Matt. 1:21).   Jesuh leitlun ah a ra – Amah cu kan sualnak sung ihsin in rundam dingah a si. A hmin cu "Bawipa in a rundam (The Lord saves)" – tican a si ih kan rundamnak cu a mission hnaṭuannak a si. Minung thinlung sungah ruun suak dingin hngakhlapnak cu Jesuh in a famkimter.                                                                                                             Bill Crowder   Jesuh ih hmin le hnaṭuan cu an bang awk, Amah cu kanmah rundam dingah a ra.