Kum tampi sung cabu pawlkom a phunphun ah ka tel. A tlangpi thu in kan tuahmi cu cabu pakhat kha kan siar tlang ih cangantu ih tiduhsan hi ziangmibik a si pei timi kan relkhawm. Mi pakhat in thusuhnak a neih tikah zohman in diriam in kan simfiang thei lo tikah pakhatkhat in, "Cangantu kan suh a ṭul ding," an ti ringring. Cangantu hrekkhat cu anmah tong thei dingah paisa pek an ṭul.   Bible zirzoi (study) dingih tokhawmtu kannih zumtu pawlkkom thawn cu kan va dang aw ve. Jesuh in zumtu a fahniang pawl hmunkhat teih kan tonkhawm awk tinte'n in tong.  Ton-man (fee) in laak lo. Caan bikhiah ah a buai lo. Khualtlawn man paisa cem khal a ṭul lo. Culawng si loin kan theih fiang dingin zirhtu dingah Thlarau kan nei. Jesuh in a dungthluntu pawl hnenih netabik a thucahmi ah Pathian in zirhtu Thlarau Thianghlim a run thlah ding thu a tel (Johan 14:26).   Bible ngantu cu tikcu caan le hmunhma (time and space) ih rikhiah theih a si lo. Anih cun ziangtik caan ah le khuitawk hmun khal ah a duh tik caan poh ah in tong thei ringring a si. Curuangah thusuhnak kan neih tinte'n kan theih duhmi thutak cu Amah in in sim ding, ti rin ngamnak nei uhsi! Kanmai' caan teekmi ah si loin Amai' rem a ti tikah in sim fiang ding ti rinnak thawn hnangam teih um ding kan si.   Pathian in zumtu pawl cun Bible ngantu ih thinlung neitu si dingah in duhsak (1 Korin. 2:16). Curuangah Thlarau Thianghlim ih zirhnak thawngin a nasazetmi thlarau laksawng alak ih in pekmi hmangin Cangantu ih sim duhsan thutak cu fiang te'n kan thei ding a si.                                                                                                 Julie Ackerman Link Bible na kau tikah, na thluak le na thinlung lo ong sak dingin a ngantu Pathian hnenah zaangfah dil aw.