Ziangti'n thlalang (mirror) sungah na zoh aw ṭheu? Mihrek ih zirzoinak ah mi zaraan in nikhat ah vei 8-10 thlalang an zoh, ti a si. A dang hliakhlaitu pawl ih simmi cu nikhat ah vei 60–70 lenglo a si thei, thlalang innpi sungih um caan le smart phone sungih zoh awk caan tel in," an ti.   Ziangruangah thlalang kan zoh cingcing si pei? Mithiam pawl ih an lungkim tlangmi cu kan hmai le sinfen zohfel awknak dingah, ahleice in midang thawn tong aw dingih feh zik tikah le mibur lakih kan tel zik tikah thlalang kan zoh taa ringring. Zoh mawi lomi a um pang maw ti zohfel awknak le a ttulsammi tuah le rem aw dingah a sibik.   Tirhthlah James in, "A thu kan theih takah a tawk ko ti men in nanmah le nanmah bum aw hlah uh. Nan theihmi kha a tuahsuak tum uh. A theih lawng a thei ih a tuahsuak lotu cu thlalang ah a hmel a zoh awtu bangtuk a si. Amah cu thlalang ah a hmel a zoh aw ih a si vek cekci in a hmu aw. Felzet in a zoh awk hnu ah a feh ih hmakhatte ah a hmel ziangvek a si ti a thei nawn lo. Sikhalsehla mi a luattertu, a famkimmi daan kha felzet ih a zoh ringringtu cu a thei mentu le a hngilhtu si loin a tuahsuaktu a si; cuti'n a tuahsuak ruangah Pathian ih thluasuah mi a si ding," a ti (c. 25).   Pathian Ṭongkam kan thei ko nain atak ih kan nunpi lo asile kanmah le kanmah mi-aa ah kan tuah aw a si (c. 22). Asinan Pathian Thu ih tleunak le in zirhmi thlunnak in kan nunnak kan cek awk tikah Pathian in luatnak in pek ih nitin Amah in bangter sinsin a si.                                                                                     David McCasland   Bible cu Pathian ih in hmuh vekin kan hmuh awk theinak dingah kan zoh ringring dingmi thlalang a si.