Tlangvalpa Mark in, "Pathian ka zum thei lo, ka feh lo ding," a ti.   Amy cun a dang sungih ummi hlompi cu dolh thei dingin a zuam rero. A fapa cu lungawi theizetmi dinhmun ihsin mit-hmai thimzet, mi sualralzet le mi bawm duh lo dinhmun ah a thlengh danglam aw. Nunnak cu raldonak hmun a si, ih Zarhpi Ni cu thihnak ni ah a cang. Tlangvalpa Mark cu a innsang mi pawl thawn biakinn feh ding a el. Netabik ahcun riahsiazet in a nu le pa cun ruahnak petu hnenah thu an va ron. Thuron petu in, "Mark cu amai' duhmi zumnak lamzin thlun ko seh. Pathian uknak sungah hramhram in nan fehpi thei cuang lo ding. Pathian hnenah ap uh. Thlacam in hngak uh," a rak ti.   Amy cun thinsau te'n a hngak – a fapa hrangah thla a cam ringring. Zing khat cu Jesuh ih ṭongkam a rak siar dahmi pawl a khuaruahnak sungah a rung khawk. Dungthluntu pawl in khawsia ih a polhmi nauhakpa cu an bawm thei lo. Jesuh in, "Nauhakpa cu Ka hnenah run keng uh" a ti (Marka 9:19). Ni in sangkate ihsin Amy ih tlun ah a run tlet ih zial parah a rung tlang. Jesuh in cuih nauhakpa a damter thei asile ka fapa khal a damter thei ko ding, ti'n a zum. A mitthlam ah a fapa Mark cu Jesuh thawn cuih Nitleu sungah ding vekin a cuangter. Cule a thinlung cu dunglam ah a siip hratih a fapa cu amai' duhdawt hnakin a duhdawt sawntu Jesuh thawn lawng a taanta.   Nitinte Amy cun a fapa Mark cu Pathian hnenah dai te'n a ap. Pathian in a ṭulmi a thei, ih Amai' tikcu caan ah hna a ṭuan ding, ti a zum.                                                                                                             Marion Stroud   Thlacam cu rinnak ih au-aw a si ih Pathian in i thei, i kilkhawi ti rinsannak a si.