Coat aangki aire (yellow) rong hrutu nu ih mizia in ka thinlung zate a laak thluh. A sam saupi cu zoh mawi ka ti nasa. Cuti'n rei lote ah ralṭhat cuh in ka va nor. Sue cu ca a siar rerolai ah ka va hnaihnok taa, ih amah thawn ton awknak ding caan ṭha nei thei dingin ka va dilngen. Ka lungawi nasa, ziangahtile anih in, "aw (yes)" in ti ruangah!   A liam ciami kum 40 lenglo lai ah, Sue le kei cu college campus ah remcang lemlo ih kan ton awk hmaisabik thu le ningzak neizetmi Ohio tlangval pa le ningzak neizet vemi Michigan fala nu cu Pathian in mangbangza in pumkhat ah in komtuah thu pawl kan vun ruat saal. Kan pahtlang zomi kumtluan ih kan fanau kilvennak ah harsatnak vei tampi kan tong. Nauhak kilkhawi daan thu ah vei tampi kan rel tlang, ih pakhat kan sunralnak thu ah nasatak in kan buai.   Kan hmuhtonmi harsat buainak tumpi le fate pawl in kan zumnak in hniksak, asinan buainak kan tuar tlang vingvo. Cumi pawl in Pathian zaangfahnak sungih tlukluhnak le pumpek nun in neihter sinsin. Tuni ahcun Pathian ih ruangzingmi innsang nuam sungah kan um thei zo, Seemtirnak 2:24 – vekin nu le pa taanta in nupi le pasal dinhmun in pumkhat kan cang. Innsang nuam si dingih tawlrelnak kan upat ih mangbangza in a nuammi nun ih thawtnak kan tep ngah zo.   Pathian ih innsang ruang a zingmi cu a mawizet. Curuangah innsang dintu monu le mopa hrangah Pathian lamhruainak le duhdawtnak sungih um a nuam zia le thluasuah donnak a si thu an theih ih lungawizet le nuamzet ih an nun theinak dingah thla kan cam sak.                                                                                                   Dave Branon   Ṭhit-umnak (Martiage) in duhdawtnak (love), upatnak (honor) le hmaizahnak (respect)  timi pawl atak in a nunter.