Show notes
NITIN MANNA 2019 February 2 Zarhte Ni Kan Harhdamnak Hrangah Bawipa cu thangṭhat uh; A hmin cu phuang uh. A thiltuahmi cu mi hmuahhmuah hnenah than uh. – 1 Sansiar. 16:8 Duke University Medical Center ih hliakhlaitu hminthang pakhat ih simmi ah, "Lungawithu sim ding cu riit theinak sii (drug) parah asile cumi cu leilungtlun ih zuar khongbikmi thilri, kan ruangpi parih taksa ṭhen thupi pawl hrangih [damnak a si]" ti'n a um. Mi ṭhenkhat hrangah lungawinak timi cu lungawi sopar teih um – kan neih tummi ah si loin kan neih zomi thilri parah hmuitin tahrat ih lungawi diriam teih umnak in tikcu caan laak khi a si. Bible cun lungawithusimnak cu cumi hnakih thuuk sawn in a sim. Lungawithu kan simnak in thluasuah petu Pathian in theihter ringring (Jeim 1:17). David in Pathian cu Jerusalem ah thukam kuang him teih a thlen theinak dingah ṭuanvo a nei, ti a thei (1 Sansiar. 15:26). Cumi ih rahsuah cu amai' thinlung duhnak vekih thil cang dingmi ah si loin Pathian hnenah hmuitin in a lungawinak thu a ngan. A hla nganmi cu, "Bawipa cu thangṭhat uh; A hmin cu phuang uh. A thiltuahmi cu mi hmuahhmuah hnenah than uh," ti a si (16:8). David ih hla cu Pathian ih maksaknak sungih lungawinak a si, Pathian ih rundamnak, sersiamnak huham le zaangfah lainatnak sawn ah a si (cc. 25-26). Tuni ah atak in mi lungawi kan si thei, cumi cu in pekmi laksawng parih lungawinak si loin laksawng in petu Pathian kha thinlung takih kan biaknak ihsin a rami lungawinak a si. Kan nunnak sungih thil ṭha pawl hmuitin ih kan zohnak in kan taksa hrangah ṭhatnak a suahpi ding, asinan Pathian hnenih kan hmuitinmi cun kan thlarau kumkhua nunnak hrangah a si ding. - Jennifer Benson Schuldt Lungawithusimnak taktak cu laksawng parah si loin laksawng Petu parah a hmuitin aṭhum awk.
