Preek Opnames
Preek Opnames
Simondium Familiekerk
Vind hier opnames van ons mees onlangse preke.
"Kom kyk" - Ontmoet Jesus en die vrou by die put
Hierdie is 'n luister-drama. Dit vertel oor die ontmoeting tussen Jesus en die Samaritaanse vrou by die put as ’n intieme gesprek tussen twee mense wat mekaar oor bekende grense heen ontmoet. Deur hulle afwisselende herinneringe ontvou Johannes 4 as ’n verhaal oor dors, waarheid, skaamte en die verrassende ervaring om volledig gesien te word sonder om veroordeel of verklein te word. Die vrou kom met haar kruik om water te haal, maar gaan uiteindelik met leë hande terug - of tog ook nie. Haar eenvoudige uitnodiging aan haar dorp, “Kom kyk”, word ook die uitnodiging van die drama: om nader te kom aan die Een wat ons waarheid ken, grense deurbreek en ’n ander soort water bied vir ons diepste dors.
Aug 23
19 min
Reis deur Efesiërs - Deel 18 (16 Augustus 2026)
PREDIKER: DJ Muller TEKS: Efesiërs 4:14–16 TEMA: Hoe behoort “groei” in ons gemeente te lyk? Paulus help ons in hierdie teksgedeelte om te onderskei wat nodig is vir ’n gemeente om werklik te groei. Ons wil immers al hoe meer ’n “small working model of God’s new creation” wees. Maar hoe meet ’n mens die groei van ’n gemeente? Aan getalle? Aktiwiteite? ’n Vol kerkgebou? Ons kyk na vier kenmerke van ’n geloofsgemeenskap wat groei tot volwassenheid – en vra ons: Hoe lyk geestelike groei werklik wanneer Christus die maatstaf is?
Aug 16
38 min
Reis deur Efesiërs - Deel 17 (09 Augustus 2026)
PREDIKER: Nadia Muller TEKS: Efesiërs 4:7-13 TEMA: Eenheid is nie eendersheid nie! Ons reis verder deur Efesiërs 4 – ’n hoofstuk wat ons herinner dat God ons nie roep om almal dieselfde te wees nie, maar om saam as een liggaam te leef en te groei. God se genade is nie net iets wat ons ontvang nie; dit is ook iets wwarin Hy elkeen van ons wil gebruik. Elke gelowige het ’n plek. Elke gelowige het ’n roeping. En saam word ons al hoe meer soos Christus. As eenheid nie beteken dat almal dieselfde moet wees nie ... hoe lyk ware eenheid dan?
Aug 16
43 min
Reis deur Efesiërs - Deel 16 (02 Augustus 2026)
PREDIKER: DJ Muller TEMA: Waardig aan jou roeping TEKS: Efesiërs 4:1–6 Paulus begin nie met ’n gebod nie, maar met ’n smeking: “Ek dan, die gevangene in die Here, vermaan julle om waardig te wandel…” en dan praat hy oor eenheid! Eenheid is nie iets wat óns skep nie; dit is iets wat ons bewaar. Die Heilige Gees het dit reeds gegee (v. 3). Ons roeping is nie om eenheid te bou nie, maar om dit nie te breek nie. Die opvallende is dat Paulus hierdie woorde uit die tronk skryf. ’n Gevangene leer ander wat ware vryheid beteken. Sy fokus is nie op sy eie omstandighede nie, maar op hoe die kerk behoort te leef. As God reeds eenheid geskenk het… hoe leef ons dan waardig aan daardie roeping teenoor mekaar?
Aug 16
31 min
Reis deur Efesiërs - Deel 15 (21 Junie 2026)
PREDIKER: DJ Muller TEKS: Efesiërs 3:16-19 TEMA: God se krag het ’n baie spesifieke bestemming… Ons hanteer baie keer God se werk in ons lewe soos ’n noodkragopwekker. Ons bid vir krag wanneer ons swaarkry, en wanneer die krag kom en die swaarkry verby is, ontkoppel ons weer die kragopwekker en skakel terug na die “mains”. Ons dink die antwoord op die noodgebed was die krag self. Maar Paulus sê ons dink te eng daaroor as ons só dink. Die krag wat God gee, is maar net die eerste tree in ’n reeks van “sodat’s” wat vanuit God se krag gebeur. God gee nie bloot krag ter wille van krag nie. Sy krag het ’n doel. Sy krag is op pad êrens heen. As die krag die beginpunt is … wat is die bestemming?
Aug 16
37 min
Reis deur Efesiërs - Deel 14 (14 Junie 2026)
PREDIKER: Nadia Muller TEKS: Efesiërs 3:14–21 “Om hierdie rede buig ek my knieë voor die Vader…” (Ef. 3:14) Wat as die plek van grootste krag nie op ons voete is nie, maar op ons knieë? Ontdek saam waarom Paulus kniel en hoe gebed ons verander. Ons dink na oor die krag van knielende gebed, voorbidding vir ander, en wat dit beteken om as gemeente ’n teken van God se nuwe skepping in die wêreld te wees. Maar as gebed meer is as net woorde wat ons bid … wat doen God deur gebed in ons?
Aug 16
22 min
Reis deur Efesiërs - Deel 13 (07 Junie 2026)
PREDIKER: Nadia Muller TEKS: Efesiërs 3:1–13 TEMA: Die Verrassende God! Waarom sit Paulus eintlik in die tronk? Was dit omdat hy iets verkeerd gedoen het – of omdat hy presies gedoen het waarvoor God hom geroep het? Kom ontdek saam die verrassende geheim wat God aan Paulus geopenbaar het. ’n Geheim wat mense kwaad gemaak het, grense afgebreek het en die wêreld op sy kop gekeer het. En as hierdie geheim vandag nog waar is … hoe behoort dit ons manier van leef en kerk-wees te verander?
Aug 16
36 min
Reis deur Efesiërs - Deel 12 (10 Mei 2026)
PREDIKER: Nadia Muller TEKS: Efesiërs 2:11–22 TEMA: Breek die mure af Paulus sê Christus het die mure tussen Jode en nie-Jode afgebreek, maar Hy is ook die hoeksteen van die nuwe tempel wat God bou. Een van ons gemeente se waardes is inklusiwiteit. Ons gesels saam oor wat dit beteken om, soos Christus, mure af te breek – en om Hom werklik as Hoeksteen te aanvaar. Maar as Christus reeds die mure afgebreek het … hoekom bou ons dit so maklik weer op?
Aug 16
26 min
Reis deur Efesiërs - Deel 11 (03 Mei 2026)
Prediker: Nadia Muller Teks: Efesiërs 2:1-10
Aug 16
32 min
Reis deur Efesiërs - Deel 10 (26 April 2026)
Prediker: Nadia Teks: Efesiërs 1
Aug 16
32 min
Load more