Show notes
NITIN MANNA 2019 January 26 Zarhte Ni Ka Baantha A Cakter An zate in kan hnatuanmi baang dingah in hro ciamco. Asinan Pathian in i cakter sinsin zo. – Nehemiah 6:9 Singapore ram ih prime minister hmaisabik Lee Kuan Yew cu tuni ih a ṭhangsozetmi Singapore ram sersuaktu a si tiih upatnak cotu a si. Amah ih rampi a rak uk le kaihhruailai caan ah Singapore cu Asia ram sungih a lian le a tthangsobik ram pawl lakah pakhat ah a tel thei ve. Rampi a rak hruailai ah soiselnak le ngiarnak vei tampi a rak tong. "Ziangti'n si na rak tuar?" tiih thusuhnak an neih tikah, annih in, "Himi cu ka nundam sungih ka pumpeknak a si," ti'n a let. Nehemiah, a cimzomi Jerusalem khuakulh hauhruang dawl saalnak ih hotu pa in an hnaṭuan reromi cawl mai ding cu a duh hrimhrim lo. A kiangkap ih ummi a ral tampi pawl in an ngiar, an hnaihnok ih an dawnkham, amai' minung pawl rori khal in an dokalh hrih (Neh. 4-5). A ral pawl in himi cu amai' bulpak hrang hlawknak hawl a si ti'n an ti (6:6-7). Anih cun hivek ih ngiarnak le harsat buainak a ton caan ah Pathian hnenah pan in neh theinak ding bomnak dil in thla a cam. Donak le ngiarnak tamzet hmanseh, an hauhruang saknak cu ni 52 sungah an ṭhehsuak thei (6:5). Asinan Nehemiah in a hnaṭuan cu a ṭheh hrih lo. Israel mi pawl in Ca Thianghlim an siar le ngai ding, Pathian an biak ding, le A Daan an thlun dingah sim ding a ṭullai. Govenor dinhmun ih kum 12 a hruai hnu ah (5:14), a ram dinthar saalnak hnaṭuan cu a pehzom saal (13:6). Nehemiah cu a nundam sung hmuahhmuah a minung pawl kaihruainak ah pum a pe. Kan nunnak sungah ngiarnak le harsatnak kan tong ve cio ding. Asinan Pathian in Nehemiah a bom bangin kannih tla in cakter ve ding. A taanglaimi kan nunnak sungah Amai' in pekmi ṭuanvo pawl kan tlin theinak dingah kan thazaang in cakter ding a si. P. Hia Sawmngiarnak pawl cu in cawltertu si loin Pathian in naihter sawntu ding an si
