Show notes
អ្នកតស៊ូមតិប្រឆាំងអំពើពុករលួយក្នុងប្រទេសកម្ពុជាលើកឡើងថា កង្វះសុចរិតភាពនិងភាពគួរឲ្យជឿជាក់បានក្នុងប្រព័ន្ធគ្រប់គ្រងចំណូលបានមកពីប្រេងនៅកម្ពុជា បានបង្កក្តីព្រួយបារម្ភចំពោះការចាត់ចែងថវិកាប្រកបដោយប្រសិទ្ធភាព ដើម្បីអភិវឌ្ឍជាតិ។ លោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា មានប្រសាសន៍នៅក្នុងកម្មវិធី Hello VOA កាលពីថ្ងៃព្រហស្បតិ៍ ទី១៤ ខែមករា ឆ្នាំ២០២១ ថា កម្ពុជាគួរតែពិចារណាក្នុងការចូលជាសមាជិកអង្គការគំនិតផ្តួចផ្តើមតម្លាភាពក្នុងវិស័យឧស្សាហកម្មនិស្សារណកម្ម ឬហៅកាត់ថា EITI (Extractive Industries Transparency Initiative)។ លោកថ្លែងទៀតថា «ធ្វើម៉ិចធានាថា ទឹកប្រាក់ដែលយើងរកបាន ចំណូលដែលយើងរកបានពីប្រេងហ្នឹង នឹងក្លាយជាធនធានមួយដែលអាចបន្តទៅទៀតដោយមិនមានការបាត់បង់ចំណូលហ្នឹងទេ»៕ (សាយ មុន្នី, Hello VOA, វ៉ាស៊ីនតោន, ទី១៤ ខែមករា ឆ្នាំ២០២១)