Tercer episodio  da segunda temporada Galicia É Migrante.  Comeza  a terceira entrega de Antón cruzando o Atántico para entrevistar ao director do Instituto Santiago Apóstolo Carlos Rodríguez Brandeira situado no sector Once do barrio de Balvanera en  Buenos Aires. A seguir Seoane en datos e un invitado especial, Michel Aiji, que nos conta a sua historia que se inicia na sua orixe,  Costa de Marfil…..O programa remata con a primeira entrega da correspondencia entre Isaac Diaz Pardo e Luis Seoane.

02/06 GALICIA É MIGRANTE. Antón Lezcano. Especial Ucraina

O 10 de outubro de 1954, emitíase a primeira entrega de Galicia Emigrante, un formato concibido e escrito por Luis Seoane ao redor de Galicia e a súa cultura dirixido á comunidade galega de Bos Aires. Inspirándose naquela emisión, nace Canal Seoane, un proxecto que busca homenaxear aquela iniciativa cultural e recoller dalgunha maneira o seu testemuño, adaptándoo ás circunstancias actuais, marcadas pola aparición dunha nova ola migratoria xurdida das crises económicas de 2008 e 2014 e de fenómenos como a globalización. 

O proxecto estrutúrase ao redor de dúas propostas diferentes: Galicia é migrante e Testemuñas no tempo. A primeira consta de catro podcasts conducidos por catro comunicadores galegos: o actor e director Quico Cadaval; o escritor, director e actor Lino Braxe; o deseñador Antón Lezcano e o colectivo Porco Bravú. Entrevistas, efemérides, a cultura clásica ou as incursións na linguaxe das novas xeracións de comunicadores galegos, entre outras cuestións, protagonizarán os diferentes episodios deste programa, aberto a futuras colaboracións doutros artistas vinculados á divulgación e á creación cultural. 

Testemuñas no tempo recolle as reflexións de case unha vintena de novos profesionais galegos que desenvolven a súa actividade laboral fuera de Galicia, unha serie de cinco podcasts dirixida por Alejandro Pan na que os convidados relatan as súas experiencias no estranxeiro durante o recente período de confinamento.