في حاجات بتحصل لنا وبتنتهي… لكن أحيانًا أثرها بيفضل جوانا.في طريقة خوفنا، في علاقاتنا، في ردود أفعالنا، وفي حاجات بنعملها من غير ما نفهم إحنا ليه بنعملها.في الفيديو ده بنتكلم عن:- الفرق بين الـTrauma والتجارب المؤلمة.- ليه أحيانًا رد فعلنا بيكون أكبر من الموقف نفسه؟- يعني إيه Trigger؟- إزاي الجسم ممكن يفضل مستعد للخطر حتى بعد ما الخطر ينتهي؟- وإزاي بعض الأنماط اللي اتعلمناها عشان تحمينا ممكن تفضل معانا بعد ما نبقى في أمان؟- والأهم: إزاي عدم وعينا بجروحنا ممكن يخلي بعض الأنماط تتكرر مع أولادنا؟#ريم_الأنصاري #مفاتيح_التوازن_الخمسة #التروما #Trauma #الصحة_النفسية #الوعي_الذاتي #العلاقات #التربية #MentalHealth #SelfAwareness

هو لو أنا زعلان من حاجة حصلتلي… كده أنا مش راضي؟ولو خايف أو متضايق أو نفسي في حاجة مش عندي… هل ده معناه إن إيماني ضعيف أو إني مش ممتن؟يمكن إحنا أحيانًا بنفهم الرضا بطريقة تخلينا نحس بالذنب تجاه مشاعرنا الطبيعية.في الفيديو ده بنتكلم عن الفرق بين الرضا، الحزن، التقبل، الامتنان، والتوكل، وليه ممكن تكون زعلان وفي نفس الوقت راضي.لأن الرضا مش معناه إنك تحب كل اللي حصل لك، ومش معناه إنك ما تحزنش أو تبطل تسعى.ولو عندك تجربة خلتك تسأل نفسك: «هو أنا كده مش راضي؟» احكيلي في الكومنتات. 🤍#ريم_الأنصاري #مفاتيح_التوازن_الخمسة #الرضا #الصحة_النفسية #الوعي_الذاتي #التوكل #الامتنان #الحزن #السلام_النفسي #في_عالم_موازي

يمكن المشكلة مش إن ربنا مش مدينا رزق…يمكن المشكلة إننا اتعودنا على النعم اللي عندنا، لدرجة إننا بقينا مش شايفينها رزق.الرزق مش بس فلوس، شغل، أو حاجات بنطلبها ونستناها.في أرزاق تانية بنعيشها كل يوم من غير ما ناخد بالنا:راحة البال، الصحة، شخص بيحبك بصدق، فرصة جت في وقتها، قدرة إنك تسامح، لحظة سلام، أو حتى حاجة اتمنعتها عنك وكانت في مصلحتك.يمكن جزء من الامتنان إننا نتعلم نشوف الرزق الموجود فعلًا… قبل ما نفضل مستنيين الرزق اللي لسه مجاش.إيه رزق في حياتك اكتشفته متأخر؟ 🤍#ريم_الأنصاري #مفاتيح_التوازن_الخمسة #الرزق #الوعي ##الأرزاق_الخفية #الرزق #الحمدلله #الامتنان #الوعي_الذاتي #السلام_النفسي #التوازن_النفسي #تطوير_الذات #الصحة_النفسية

سؤال بيتكرر جوانا كل ما نقف قدام اختيار مهم… ونفضل نفكر:"يا ترى لو كنت اخترت غيره، كانت حياتي هتبقى أحسن؟عشان إحنا مش شايفين المستقبل، ومفيش أي ضمان كامل إننا ماشيين في الطريق الصح.في الحلقة دي بنتكلم عن: ✦ ليه الاستخارة أهم خطوة قبل أي قرار.✦ إزاي نحاول نكون محايدين وإحنا بنطلب من ربنا الخير.✦ ليه لازم ندي نفسنا وقت قبل ما نقرر.✦ تأثير الجوع والإرهاق والوحدة على جودة قراراتنا.✦ ليه مش لازم نحكم على القرار من النتيجة.✦ وإزاي نراجع قراراتنا من غير جلد ذات أو ندم مبالغ فيه.أوقات المشكلة مش إنك مش عارف تختار…المشكلة إنك مستني يقين كامل، والحياة أصلًا ما فيهاش يقين كامل.وأوقات كتير…عدم اتخاذ القرار، والخوف من الحركة…بيكونوا هم القرار الأسوأ.—Instagram | @reemalansariiiTikTok | @reemalansariii#ريم_الأنصاري #ReemAlAnsari #القرار #اتخاذ_القرار #الاستخارة #وعي #تطوير_الذات #الثقة_بالله #الندم #الحيرة #الصحة_النفسية

إحنا بنتعامل مع الكلمة كأنها مجرد صوت وخلاص...لكن الحقيقة إن الكلمة ليها أثر أكبر بكتير مما نتخيل.في الحلقة دي هنتكلم عن:+ الانطباع الاول وازاي الكلام بيأثر في رأينا في الشخص؟+ إزاي الكلمة ممكن تبني الثقة... أو تهدمها؟+ امتى لازم نفكر كويس قبل ما نتكلم؟+ إزاي كلمة واحدة ممكن تفضل مع إنسان سنين... سواء كانت تشجيع أو إحباط أو سمعة؟لأن الكلمة مش مجرد تعبير...الكلمة مسؤولية..💬 شاركوني في التعليقات: إيه الكلمة اللي سمعتها في حياتك ولسه فاكر أثرها لحد النهارده؟📚 كتابي: مفاتيح التوازن الخمسة...🎙️ لو عجبتكم الحلقة، متنسوش تعملوا Subscribe، وتشاركوا الحلقة مع حد تاني.#ريم_الأنصاري #في_عالم_موازي #الكلمة #قوة_الكلمة #التواصل #فن_التواصل #وعي #الصحة_النفسية #علم_النفس #بودكاست #Communication #SelfAwareness #Psychology #PersonalGrowth #Mindset #Manifestation

الجملة دي ناس كتير محتاجة تسمعها، خصوصًا في الفترات اللي بيبقوا فيها مرهقين ومش شايفين نتيجة.لأن الحقيقة إن أصعب حاجة مش دايمًا البداية… أوقات أصعب مرحلة فعلًا هي... لما تكون حاولت كتير، واستنيت كتير، وبذلت مجهود، لكن لسه ما وصلتش لحاجة واضحة.في الحلقة دي بنتكلم عن: ✦ ليه الصبر مش مجرد تحمل أو انتظار✦ إزاي التعب والإحباط بيخلّونا نفكر في الاستسلام✦ معنى النمو اللي بيحصل في الخفاء، حتى لو إنت مش شايفه✦ الفرق بين الصبر والاستسلام✦ وإزاي الثقة في ربنا بتساعدنا نكمل حتى لما الطريق مايبقاش واضحالصبر الحقيقي إنك تكمل، حتى وإنت مرهق، حتى وإنت مش متحمس، وحتى لما ميبقاش فيه دليل واضح إنك قريب من الهدف.أحيانًا الفرق بين شخص وصل، وشخص وقف في نص الطريق…كان مجرد يوم زيادة من الصبر.—Instagram | @reemalansariiiTikTok | @reemalansariii#ريم_الأنصاري #ReemAlAnsari #الصبر #الاستمرار #وعي #تطوير #الثقة_بالله #النجاح #التحفيز #عدم_الاستسلام

بنأجل السفر والتجارب والفرح، ونقول: “أول لما ألاقي الحب… هابقى مبسوط.”كأن حياتنا واقفة في محطة مستنية “الشخص الصح” ينزل من القطر.بس لو شخص واحد يقدر يديك كل أسباب سعادتك… يقدر ياخدها كلها كمان؟في الحلقة دي بنفكّر مع بعض في:• الفرق بين “الشريك” و“المنقذ” — وليه الاعتماد الكامل بيحوّل الحب من مشاركة لاعتماد مؤذي.• إزاي تبني حياة ومعنى قبل وأثناء العلاقة (مشروع شخصي، دوائر صح، حدود لطيفة).• ليه السعادة مهارة شخصية: ابقى شِبعان مع نفسك الأول علشان تقدر تِحبّ بجد.الحب الحقيقي بيكبّر اللي فيك… مش بيخلّصك من نقصك.ادخل العلاقة شِبعان — فتشارك حياة، مش تهرب من وحدة والفراغ.—Instagram | @reemalansariiiTikTok | @reemalansariii#ريم_الانصاري #ReemAlAnsari #الحب #علاقات #وعي #سعادة #حدود

بنسمع كتير: “الطبع غلّاب”… طب هل الناس فعلًا ما بتتغيّرش؟ في الحلقة دي هنفكّ الالتباس بهدوء: • إيه هو “الطبع” وإيه هو “السلوك”؟ وإيه اللي ممكن يتهذّب وإيه اللي فعلاً بيتغيّر...• إمتى التغيير بيحصل بجد: دافع داخلي، أمان، وخطوات صغيرة مستمرة...• إمتى نعرف إننا بنتوهم تغيير: وعود بلا أفعال، تحسّن يومين ونرجع تاني• لو أنا اللي عايز أتغيّر: طريقة عملية أبني بيها عادة جديدة وأقيس تقدّميالتغيير هدية الشخص لنفسه، واحترامك لنفسك يبدأ من توقعات واضحة وحدود واعية.—Instagram | @reemalansariiiTikTok | @reemalansariii#ريم_الأنصاري #ReemAlAnsari #الطبع_والسلوك #تغيير #وعي #علاقات

التغيير بييجي ساعات من غير استئذان: شغل اتبدّل، علاقة اتغيّرت، باب اتقفل.الفرق بين اللي بيوقف واللي بيكمّل مش الحظ… هو المرونة والوعي.في الحلقة دي هنحكي ببساطة عن: • يعني إيه “تكيّف” بوعي؟ تتأثر طبيعي من غير ما تغرق.• ليه بنخاف من الجديد؟ وازاي نحول الخوف لخطوة لقدّام.• الانفتاح على الأفكار: تسمع وتفهم من غير ما تفقد هويتك.• 3 عادات تخلّي دماغك مرن: التجربة، تقبّل الغلط، ومراجعة الخطة أو الهدف.• إزاي تميّز بين تغيير صحي وتشتّت يضيّعك.خليك مرن وانفتح على الجديد من غير ما تضيّع نفسك.لأن الحياة بتكبر مع اللي بيجرب ويتعلّم.—Instagram | @reemalansariiiTikTok | @reemalansariii#في_عالم_موازي #ReemAlAnsari #تكيّف #تغيير #انفتاح #وعي

كلنا بنقف قدّام سؤال صعب: أكمل ولا امشي؟هل الطريق محتاج صبر ومحاولات تانية؟ ولا خلاص الإشارة واضحة إن الوقت جه نغيّر الاتجاه؟في الحلقة دي هنفكّك القرار بهدوء: • إمتى الإصرار يبقى حكمة… وإمتى يتحوّل لعِناد• إشارات اللي بتقولك “كمّل” زي مثلا: التعلم من الفشل، التقدّم حتى لو بطيء...• أسئلة عملية قبل القرار: بتتعلّم ولا بتكرّر نفس التجربة؟ المشكلة في الطريقة ولا الاتجاه؟ النتيجة بتديك طاقة ولا بتستنزفك؟• إزاي تاخد القرار في التوقيت الصح ومن غير ندم.مفيش قرار صح 100%… في قرار واعي بيقرّبك من نفسك ومن اللي ربنا كتبهولك. دور على اشارات ربنا واسمع قلبك وعقلك، وخُد خطوة واضحة—تكمل بحب، أو تمشي بسلام.—Instagram | @reemalansariiiTikTok | @reemalansariii#ريم_الأنصاري #مفاتيح_التوازن_الخمسة #ReemAlAnsari #قرار #إصرار #LetGo #وعي