Whey - das isch doch eifach nur Protein?! Nid ganz.Doris, CO-Founderin und Gschäftsfüererin vo WHEYCATION erklärt mir wie WHEYCATION dranne isch, dä ganz Prozäss rund umd Molke (Whey) zoptimiere fürne nachhaltigi Produktion mit qualitativem hochwertigem Food-Sortiment. Dir bechömet bizeli Iiblick i dä ganz Prozäss und wie das funktioniert.WHEYCATIONhttps://wheycation.com/Newsletter WHEYCATIONhttps://wheycation.com/news-2/Kontakt [email protected]

Denise verzeut vo irem Solo-Trip mitem Velo um Taiwan! Si verzeut vo sich wisi zum Velofahre cho isch und natürli ou viu über die Cooli Erfahrig allei zTaiwan mitem Velo ungerwegs zsii. Wie hetsi das mitem Velo gmacht? Was isch die gröschdi Herusforderig gsi? Würdsis nomau mache? Inelose!

Dubeli Foug mit Robin. Die wo mi kenne wüssä dasi immer wider uf dummi Ideeä chumä. Anstatt dasmr faschd 24h ufe Box ufe steppä, probiere mir i derä folg 5000cal ufem EchoBike zmachä - ja, probiere.... Dr Fäbu vo erpse hetmr no paar Tipps gäh und dr Robin het einisch meh mitgmacht :) Warum wiso und no viles meh erfahrsch wets losisch ;) Fäbu vo erpse https://erpse-institut.com/fabian-krebs/

Q&A steit für Questions and answers - dr Fäbu vo erpse beantwortet Fragä wo dir gsteut heit! Ässä vor/nachämnä Marathon? Wie gani vor bire chronischä ungerernährig? Wie bi Schichtarbeit... und no einiges meh... inälosä! Link zu Fäbu vo erspe: https://erpse-institut.com/fabian-krebs/

Stibä erklärt mir was Padel isch - nei, das het nüt mit Böötlä ufdr Aare zdüe. Padel isch e Mischig zwüschä Tennis und Squash. Inelosä!

Warschindläch die dümschdi Aktion woni bis ize gmacht ha und das erschd no mitem Robin zämä - hammer ^^ Mri si zämä über 16'000x ufne Box ufe gstande und wider abe. Bim "Everesting" probiertmä dHöchi vom Everest zbewältige. Meistens machtme das amnä Berg zfuess oder mitem Velo. Mir heis ize haut mau dinne gmacht ufere Box... cm für cm. Dumm? Ja, scho bizeli... aber so simr ab und zue.

Fäbu vo erpse Institut für Ernährungsdiagnostik verzeut :) Mir luege unger angerem ah: Ernährigsstrategieä für schneuäri Regeneration nachem Training, uswürkigä ufe Schlaf und vieles meh! Drilosä und Frage via Kommentar oder Nachricht steuä! Die düemer de ire Folg alli beantworte - ouso dr Profi - Fäbu.

dLara het gnue Geduld gha und erklärt mir, was Bachata-tanzä isch, was Afänger söte beachte und no viles meh! Inelose und bi Frage, sofort mäudä!Name Studio/Community; Bachata Community Bern

Dr Marco verzeut vo sine Erfahrige us sogenannte Hybrid-Athlete.Was genau macht ä Hybrid-Athlete us i sinä Ougä? Wie träniert dr Marco? Inelosä! Bi Frage wie immer: Sofort mäudä – dr Marco chunt no paar mau zu mir iz Studio 🙂

Boah - Was fürnä Ehr! Dr Fabian Krebs (Fäbu) verzeut vo sine wertvouä Erfahrige. Dr Fäbu schaffet zBärn bi "erpse" und het soones krasses wüsse dür si Lehrgang aber ou dür si Bruef, abartig! Mir vö dr erschd Teil ah (äs wärdä no paar folgä!) und redä übere Energiehuushaut, Makronährstoff und schweifä ou bizeli ab. Ganz wichtig: Mir wärdä mehreri Teilä mache, sit gspannt! We Du e Frag hesch bezüglich Ernährig schribmr bitte ä Kommentar oder Nachricht und i wirde dr Fäbu disbezüglich agah und evtl. wärdä mir dini Frag usfüürläch thematisiärä! Das isch nur ä chline Teil gsi, äs chunt meh!