WELCOME BACK! In ere sonder Episode hemmer The Hot Pod Host himself im Podcast. Dr Stefan (Si beste Kolleg wo er mehr als emne Johrzent scho kennt) het dr Adriano Interviewed und moll so richtig ussquetscht über de Podcast und sis Läbe. Uff d Froge wie "Wieso gits de Podcas?", "Wie isch d Idee entstande?" und "Bisch du tätsächlich Millionär worde mit em Podcaste?" krieget ihr endlich in dene knapp 2h e Antwort. Vieli Detail uss sim Läbe wie sini gschitterti Selbständigkeit und was er für schlechti und gueti Charaktereigenschafte bsitzt sind ebefalls bestandteil vo dere Folg.   An dere Stell wird einersits e grosses Dankeschön erneut an El Tony Mate ussgproche. Euni euch wäre mir die 2h niemols wachbliebe und energieglade. Anderersits müend mir an de provisorischi Host Stefan au grosse Applaus spende für die grossi Vorbereitig uff d Froge und s durefüehre vom Interview. DANKE!!

Vor rund 5 Johr het für de Angel e neue Abschnitt in sim Läbe ahgfange. In dere Episode verzellt uns de Angel wie er d Ihreis in de Schwiz erläbt het, wie er sich integriert het und was er am meiste uss sinere damalige Heimat vermisst. Unter anderem het er au no e Ihblick geh in sine künstlerische Talent sigs Zeichne, Grafik Design, tattoowiere oder sogar Comedy. Muchas Gracias an de Angel für die super unterhaltendi Episode.

In dere Episode hemmer de Martin Machura z Gast. Er macht unter anderem Podcasts bi de BLKB. Mir sind im allgemeine uffs Thema Podcaste ihgange. Wie het er ahgfange? Was macht ihm spass? und wie duet er sich vorbereite? Die und no witeri Froge hemmer in dere Folg besproche. E grosses Danke an de Martin für sin Uftritt!  --------------------------------------------------------------------------------------------------------------------------- Gast: Martin Machura  --------------------------------------------------------------------------------------------------------------------------- Intro: Lakey Inspired - Blue Boi  Outro: Onion (Prod. by Lukrembo)  ---------------------------------------------------------------------------------------------------------------------------

Episode 12 mit DR Emma. Was für e wildi Ufnahm. Im Podcast simmer ins Thema Tiktok ihtaucht und sie het uns als "Content creator" eh ihblick könne geh wies hinter de Kulisse usseht. Tipps und tricks wie meh viral ka go. Was ihres umfeld so dezue seit und was sie gar nid ka usstoh. Unter anderem het sie erwähnt wieso sie an Geister glaubt und was sie degege unternimmt zum sie verschüche. Isch e ganz spannendi und witzigi Uffnahm worde. Huuuugeee Thank you an di Emma für dis verbi cho und die grandiosi Episode!   ---------------------------------------------------------------------------------------------------------------------------  Gast: Emma (Wemmse)  Instagram: @wemmse  Tiktok: @wemmse  ---------------------------------------------------------------------------------------------------------------------------  Intro: Lakey Inspired - Blue Boi  ---------------------------------------------------------------------------------------------------------------------------

In dr Episode 11 lerne mir mehr über de Nick sowie über sini Rapkarriere als "GHO$T". Er het uns zu dem über sini Crazy usgangs erlebnis verzehlt und welli Rap Künstler er overrated findet und welli er abartig fühlt. Zudem het er uns no e kleini Freestyle show abglieferet. Viele Dank an de Nick für die Episode und danke euch fürs zueluege.    ---------------------------------------------------------------------------------------------------------------------------  Gast: Nicksupreme aka. GHO$T  Instagram: @nicksupreme   ---------------------------------------------------------------------------------------------------------------------------  Intro: GHO$T - 80's  Outro: GHO$T - Sag GHO$T  -------------------------------------------------------------  Wär e Recording/Mix/Master/Video brucht für sini Songs:  https://www.instagram.com/mhproduction

In der 10 Episode isch d Lara Flückiger z Gast. Mir hend vorallem ums Thema Psychischi Gsundheit vo Jugendliche geschwätzt und wie die ganzi Pandemie uns beihflusst het. D Lara studiert Psychologie und het unter anderem im Projekt https://dureschnufe.ch/ mitgwirked. Es isch e sehr intesivi und langi folg worde mit extrem spannede Themene. Ich dank dr Lara vielmolls fürs mitmache und viel spass bi dir Episode.  ---------------------------------------------------------------------------------------------------------------------------  Gast: Lara Flückiger  Instagram: @_hektoria_   ---------------------------------------------------------------------------------------------------------------------------  Intro: Lakey Inspired - Blue Boi  -------------------------------------------------------------  Ansprächspartneri psychologischer Hilf:  -  www. dureschnufe.ch -  Dargebotene Hand Tel. 143  / www.143.ch  - Kindernotruf Pro Juventute Tel. 147 / www.147.ch

Happy Halloween. Zum hütige Ereignis am 31. Oktober strahle mir e Special Episode uss. Ihr händ uns euri gruselgie Gschichte gschickt und mir läse sie vor. Viele Dank für euri tolli gschichte und bis bald!

In der Episode 9 hemmer de Amos aka. Thiefinthenight und de Jaime aka. Toko bi uns im Studio. Sie sind beidi Rapmusik Künstler vom Woodland Collective in Basel. Mit Hits wie Lightning, Navy, No Reply, de Zämmearbet mit Universal Music Germany und unter anderem mit emne grandiose Uftritt am JKF 2021 händ sie sich extrem könne etabliert in der Musikszene. In dere Folg erfahret ihr mehr über de Hintergrund vo Woodland. Wer kört alles dezue? Wer macht Beats? Wer designed d Covers und vorallem wer macht s ganze Management? Nomol e riese Dankeschön an Jaime, Amos, Jiggy und Joscha für die Episode. Mit ihne gmeinsam hemmer wieder e hammer Folg könne Uffneh. THANKS!  ---------------------------------------------------------------------------------------------------------------------------  Gast:  Woodland Collectiv  Thiefinthenight & Toko   Instagram:   @thiefonthegram (Thiefinthenight)  @tokoyobo (Toko)  @woodland.forever (Woodland)  ---------------------------------------------------------------------------------------------------------------------------  Intro:  LIGHTNING - TOKO & JIGGY https://www.youtube.com/watch?v=PX8pjDDYTZI  Outro:  NO REPLY - ThiefInTheNight https://www.youtube.com/watch?v=LsbMHm4rhgg ---------------------------------------------------------------------------------------------------------------------------

Episode 8 mit em Gründer vo Knockout Basel und Kryptowährigsenthusiastisch Furkan Sengün. In dere Episode erfahret ihr mehr über d Gründig vo Knockout und übers alltägliche Gschäft sowie au über Lebensbedrohlichi Kundesituation wode Furkan het müesse konfrontiere. Zudem gönn mir in dere Folg au ins Thema Kryptowährige ih. Was sind Kryptowährige und was denkt dr Furkan über d Entwicklig oder Gründer vo Bitcoin. Herzliche Dank für die grandiosi und humorvolli Folg Furkan. --------------------------------------------------------------------------------------------- Gast: Furkan Sengün Instagram: @Bigpaloma & @knockoutbs  --------------------------------------------------------------------------------------------- Intro: Lakey Inspired - Blue Boi Outro: Onion (Prod. by Lukrembo)  ---------------------------------------------------------------------------------------------

In der 7. Episode hemmer de youtuber und Comedy König Flavio Stucki bi uns im Podcast. Er verzellt und über sis verschwinde, warum mir inere Simulation läbe und über sini Rap Karriere. Das und no vieles mehr erfahrsch du in de negste Stund und 40 minute. E grosses Dankschön an unsere Gast the man, the myth, the legend Flavio Stucki.  ---------------------------------------------------------------------------------------------------------------------------  Gast: Flavio Stucki  Instagram: @flaviostucki  ---------------------------------------------------------------------------------------------------------------------------  Intro: Lakey Inspired - Blue Boi  Outro: Onion (Prod. by Lukrembo)  ---------------------------------------------------------------------------------------------------------------------------