Сённяшняя наша госця — Дар'я Данілава, СЕО стартапа RocketData, сервісу з актуальнымі звесткамі пра бізнес і водгукамі, якія дапамагаюць прывесці кліентаў. На мінулым тыдні праект закрыў здзелку на $500 тысяч. Гэтая падзея — знакавая для беларускай экасістэмы.$500 тысяч — гэта для стартапа шмат ці мала? Мы паразмаўляем з Дар'яй аб майстэрстве прыцягваць інвестыцыі, аб "адэкватнасці фаўндара" і перамовах з інвестарамі. А яшчэ — пра цяжкі перыяд у жыцці стартапа, калі грошы толькі-толькі замаячылі на гарызонце.