恭喜洪伯邑老師佇美國University of Washington Press出版新冊《Routes of Taiwan Tea》，阿愷之聲非常榮幸有了獨家訪問作家的機會，這本英文冊將臺灣茶的故事介紹予全世界，正經精彩！

到底「茶」字這條路按怎開始？洪伯邑老師講，伊佇美國讀地理學博士時，本來指導教授建議伊去中國雲南/西藏邊界的普達措國家公園做研究，誰知影田野調查過程直直袂順，後來竟然佇雲南飲著普洱茶，看著百年老茶樹當中竟然有臺灣人的影跡，實在好奇，所以決定追茶！

田野之神無形當中攏會指示研究者彼條路，對雲南完成博士論文轉來臺大教冊的洪伯邑老師，因為做教授，照理講要申請國科會計畫來做。伊想著當時雲南有一位臺灣茶商提起佇泰國有種茶，伯邑老師竟然就帶研究生來到泰緬金三角做研究（驚）。後來甚至追茶追到越南，講著這段臺灣人來到越南種茶的故事，背後會使探討的問題其實真豐富，到底臺灣茶的邊界佇佗？臺灣味是啥？伯邑老師用「臺灣化（Taiwanization）」這个概念來討論，到底臺灣是啥？咱是誰？

這集節目非常精彩，緊來聽阿愷和伯邑先話山話水話茶字這條路！

► 來看新冊｜Po-Yi Hung《Routes of Taiwan Tea》
https://uwapress.uw.edu/book/9780295754345/routes-of-taiwan-tea/

► 繼續來讀｜洪伯邑老師和地理角團隊《尋找台灣味：東南亞X台灣兩地的農業記事》
https://www.books.com.tw/products/0010856115

► 節目音樂｜李箴、鹿港新聲閣
► 特別感謝｜教育部人文與社會科學標竿計畫、中研院生物多樣性研究中心端木茂甯老師研究室提供阿里山茶園的生態錄音
► 贊助節目｜https://voiceofakai.oen.tw