► 活動報名｜臺灣文學LivePodcast社區讀冊會 （準備額滿！）
https://forms.gle/uNvpRsLNz2w3Mc2d9

歡迎收聽阿愷之聲Podcast「台長時間」，首先來宣傳七、八月份阿愷之聲團隊佇家鄉彰化舉辦三場的「冊店讀書會Live Podcast」，分別是7/11（六）北斗有冊店的「文學的彰化書寫」、7/19（日）彰化南方書店的「文學的白色歷史」、8/2（日）鹿港書集喜室的「臺灣的自然寫作」，三場主題討論六本冊。報名需要100＄，費用會使折冊錢，歡迎逐家來聽，作伙來彰化𨑨迌、聽文學、買冊。

續落來，欲來分享最近兩件趣味的代誌。第一件是荷蘭阿仁（蒲耀仁）來鹿港的故事，阿仁是陳豐惠老師介紹來鹿港旅行的朋友，伊對臺語的熱情和意愛，沿途引起真濟鹿港鄉親的討論。第二件是阿愷來到台中海線的大肚國小演講，感謝彰中學弟夏清煌的邀請，頭一擺面對國校五年的囡仔，我的講題叫做「十一歲的日夢：自蕭邦鋼琴大賽到臺語Podcaster」，我欲分享走揣家己人生的路途風景，原來躊躇真正常。

緊來收聽節目，也歡迎報名參加冊店讀冊會Live Podcast！

► 廣告贊助｜春山出版新冊《生命訂製時代》
https://www.books.com.tw/products/0011053044

「想欲生囝，竟然考驗著咱人對金錢、法律、倫理和人性的界線？」

阿愷之聲工商服務時間，現子時春山出版推出好冊《生命訂製時代》。這本冊是記者曹馥年、藍婉甄、陳德倫、洪琴宣和《報導者》團隊作伙完成。這十幾年來，美國對查某囡仔的卵子需求愈來愈大，也開始有愈來愈濟臺灣的少年女性去美國捐卵，隨著中國取消一胎化政策，中國的好額家長拼性命來到對人工生囝上友善的美國加州，亻因對亞洲卵子需求愈來愈大，最後演變成一條臺灣、美國、中國的生囝生產線。面對充滿爭議的第三方生育，無論是法律、社會觀念甚至是醫學倫理，咱臺灣敢準備好囉？這本《生命訂製時代》自2023年開始追蹤報導，希望和讀者作伙探討人類社會演化到今仔日上複雜的問題，原來生一个囡仔這呢無簡單！

► 節目音樂｜鹿港新聲閣
► 贊助節目｜https://voiceofakai.oen.tw