今年4月25號，阿愷之聲特別計畫「臺灣文學Live Podcast」第二場來到臺北的現流冊店，真榮幸邀請作家吳明益來討論「小說寫作的地方和世界」主題，這場我特別揣溪州阿倫做伙來講，重現阿愷之聲EP109的經典組合。

這場對談時間兩點鐘，分做兩集節目放送，頂半集欲來討論啥物是臺北人？家鄉對寫作的意義？為啥老師定定攏咧寫一寡消逝的物件？若講寫小說是為了回答當下的疑問，按呢寫完幾落本小說了後，老師對世界敢有更加瞭解？最後阮問老師，伊早期的小說定定咧追求彼个「阿爸的形象」，無論是《睡眠的航線》到《單車失竊記》，如今家己做阿爸了後，伊會按怎看「阿爸」這个角色？

彼个下晡，我和現場四百位聽眾聽明益老師勻勻仔講故事，原來，伊的生活攏是小說內底寫的彼款，作家只是提筆寫落來爾爾。所以，咱敢捌認真看待咱家己的生活？

► 活動報名｜6月份高雄＆台南場的臺灣文學Live Podcast
https://voiceofakai.oen.tw/events/39Sly8oukiz3yh0ka7oYRH2g7w6

► 贊助單位｜國藝會
► 特別感謝｜徐偉哲、陳君宥的影像紀錄，現流冊店的場所
► 節目音樂｜鹿港新聲閣
► 贊助節目｜https://voiceofakai.oen.tw