بين ايدينا هلايام تذكرة سفر من نوع اخر تذاكر للسفر عبر الزمن

ليش هالعبارة استوقفتك عن غيرها وحسيت انها لمست مشاعرك ، ليش في كتب بس تلاقيها بتحس انه وين كنت عنها من زمان و ليش في ناس يلاقوك و يطلعوا شغلات بشخصيتك يمكن حتى انت ما كنت تعرفها عن حالك

٢٢ شغلة او مبدأ او فكرة حبيت اخليها ببالي و ببالكم و تكون مثل رسالة صوتية موثقة من انا الحالية لكل نسخة مستقبلية مني

صوت كل حدا فينا يعكس جزء من شخصيته و صوتك ممكن يطلع الشخصية يلي بدك تتظاهر انك عليها او الشخصية يلي بتخبيها و احيانا صوت ممكن يطلع شخصية ما كنت تعرفها ، كل حدا فينا مميز بشكل و شخصية و صوت ما حدا شبه الثاني بهاي الحلقة رح اشارك افكار عن الصوت و تخيلات انه شو لو الاصوات لا تفنى

هاي الحلقة ما هي الا تذكير انه ما نعيش بحالة تصبير ابدية لانه شو لو حكتلكم انه يمكن بعد هاي الحلقة او بعد ايام بسيطة رح يكون هاد اخر يوم الك مع نسختك الحالية بهالحلقة رح نحكي عن النسخة الحالية منا و كيف لازم نتذكر نعيش معها لاقصى حد لانه يمكن هالنسخة منك كانت عايشة لسنين كنسختك المستقبلية يلي كنت تحلم تكونها و هلأ يمكن بعد ما صرتها نسيت تستمتع فيها او العكس نسختك الحالية بلمحة، بخبر ، بمكالمة تصير نسختك القديمة يلي تشتاقلها وتشتاق لايامها وناسها ، هاي الحلقة لتذكرك تعيش

خلي بالك من عقلك هو عنوان لموسيقى مميزة ترافقنا بحلقة اليوم لنحكي و نذكر فيها انه خلي بالك من عقلك برحلة الحياة يلي بدنا نعيشها و نستمتع ونتفكر فيها بس هاي الحلقة موجودة لتحكيلك خلي رجليك على الارض لا تطير كتير و خلي بالك من عقلك

بهاي الحلقة رح نحكي عن كل كيفك سألتها او انسألتها وغالبا كان جوابها تمام سواء الحال جد تمام او ابدا مش تمام

بهاي الحلقة رح نحكي ليش روح ل روح ليش؟ هو عشان نرجع للاعماق نرجع لنفسنا و ذاتنا الحقيقة و نطلع شوي من ورا الستار يلي طول عمرنا مخبين نفسنا و روحنا حتى عن حالنا هاد الستار اسمه الego و روح ل روح موجود عشان تتعرفوا على روحكم ونفسكم وذاتكم الحقيقة بعيدا عن مثاليات اصطنعناها و عشان نتعامل مع الناس روح ل روح