Elizabeth, waqt lezzjoni tal-Ġermaniż, tinsab mitlufa thewden dwar l-avvenimenti fiċ-Checkpoint ta’ Bornolmer Strasse nhar id-9 ta’ Novembru 1989, f’dik il-lejla - iktar minn 30 sena ilu - meta nfetaħ il-kanċell bejn Berlin tal-Lvant u dik tal-Punent. Fil-ħolma tagħha Elizabeth tara lilha nnifisha qalb il-folla fuq in-naħa tal-Lvant miexja biex tgħaddi san-naħa l-oħra fejn qed jistenniha, bħal dejjem, André.