Gine, Kolonel Mamadi Dummbuya sosii fedde diisondiral e kawral hakkunde ginenaaɓe . E bi’ol makko ko nde moftunde ɓiɓɓe Gine fow. Ngal pellital hooreejo laamu faddewu Gine no yaadi e ƴamal pelle dawre e sosiyete siwil leydi ndin. Koɗo men hannde, ko Aamadu Wuuri BAH lollirɗo BAH Wuuri. Ko o gooto e dawroyankeeɓe Gine. E faandu haala Ibrahiima Timmbi Bah himo holla miijo makko e alhaali nden fedde kaaldal e kawral. O yewtii kadi ko yowitii e ñaawoore warngo 28 settaabur. Heɗoɗen mo.