بذرة اتزرعت في عقل شاذلي من ١٠ سنين. وغيرت تفكيره بشكل كبير. وساعدته انه يساعد الناس تحكي قصّتها. قصّة بودكاست كل واحد فينا، ناس عاديّة .. نقاط تحوّل غير عادية.

علا جربت تشتغل في نشاط تطوعي وهي في الكلية. وبعد الكلية اختلطت بسوق العمل ولكن مكانتش الظروف زي ما هي متوقعة خالص. تعالوا نتعرف على نقطة التحول في حياة علا، ونستفيد منها ازاي في حياتنا اليومية.

خالد بيشاركنا قصة تحوّله من شخص انطوائي، لشخص مختلط بالناس بشكل كبير. وازاي حياته في الأنشطة الطلابية غيّرت فلسفته في الحياة. تعالوا نتعرف على فلسفته الي اتعلّمها وماشي بيها والي ساعدته يقود حياة مهنية ناجحة لأكثر من ٨ سنين، ومكملة معاه.

عربي زي كتير مننا في بداية شبابه كان نفسه يستقلّ بقراراته ويشكّل حياته زي ما هو شايفها. وثقة أهله فيه كانت نقطة تحول بالنسبة له. أو زي ما هو قال: كانت بداية لنقاط تحوّل كثير هتيجي بعد كدة. تعالوا نسمع القصّة ونتعلّم منها.

ساعات كتير بنبقى فاكرين اننا مضطرين نختار ما بين ١ و ٢. بينما ممكن جدًا تكون الإجابة ١ و ٢. مش أو. تعالوا نسمع قصة مجاك ونعرف أكثر.

هبة بتحكي لنا ازاي السؤال ده كان نقطة تحوّل في حياتها. وازاي بعد رحلة دامت خمس سنين، اتعلّمت درس مهم من خلاله. السؤال الي كلنا مش بنلاقي له إجابة، أحيانًا بيكون فعلًا ملوش إجابة. تعالوا نسمع القصّة.

كنزي بعد ما كانت الفتاة المدللة اضطرت بعد التخرّج انها تصرف على نفسها. ودي كانت نقطة تحول في حياتها. كنزي كان عندها حلم انها تعمل دراسات عليا وتاخد ماجستير. بس هي محتاجة تشتغل الأول عشان تعرف تصرف على نفسها وعلى دراستها. تعالوا نسمع قصّة كنزي.

مي قدرت من خلال رعايتها للي حواليها انها تلاقي نفسها، وحرّيتها، وترجع لطفولتها مرّة تانية. ميّ بتحكي لنا قصّة ملهمة جدًا .. يللا نسمعها سوا.

علي كان عايش حياته بطريقة، وفجأة قرّر انه يتجوّز. وحياته اتغيّرت من اللحظة دي! تعالوا نسمع القصّة.

امتنان اتقفل قدامها الطريق فجأة. الطريق الي كانت متوقعة انه هو الي هيحقق لها النجاح. ثمّ ربنا فتح لها طريق تاني وكان ده سبب في تغيّر حياتها للأفضل.