Show notes
នៅកម្ពុជា កុមារកំព្រាមួយចំនួន ត្រូវបានគេរាយការណ៍ថា បានប្រឈមនឹងការប្រើកម្លាំងពលកម្ម និងការរំលោភបំពានផ្សេងៗពីសំណាក់ប្រធានមណ្ឌល ឬអង្គការដែលពួកគេស្នាក់នៅ។ ថ្មីៗនេះ យុវជនមួយក្រុមនៃក្លឹបមួយហៅថា ក្មេងអង្គការកម្ពុជា បាននាំគ្នាបង្កើតកម្មវិធីជាប្រព័ន្ធសារសំឡេង ឬហៅថា Podcast ក្នុងការប្រាប់ពីរឿងរ៉ាវរបស់យុវជនដែលមានបទពិសោធន៍ធ្លាប់រស់នៅមណ្ឌលកុមារកំព្រាក្នុងប្រទេសកម្ពុជា។ កញ្ញា ច័ន្ទ ស៊ីណេត អ្នកសម្របសម្រួលក្នុងក្លឹបក្មេងអង្គការកម្ពុជា និងជាអ្នកគាំទ្រសិទ្ធិយុវជន និងកុមារដែលធ្លាប់រស់នៅមណ្ឌលកុមារកំព្រាថ្លែងក្នុងកម្មវិធី Hello VOA សំឡេងជំនាន់ថ្មីថា ប្រព័ន្ធសារសំឡេងនឹងជួយទប់ស្កាត់ការជួញដូរទាសករសម័យថ្មីតាមមណ្ឌលកុមារកំព្រា៕ (អ្នកនាង កាន់ វិច្ឆិកា, ភ្នំពេញ, ១៧ មករា ២០២២)