و اليوم حكينا عن واحدة من اهم المبادرات الموجودة في الاردن, شكر كبير لكل فرد كان اله دور بهاد المشروع و الشكر الاكبر لدكتورة مارغريت زريقات على وقتها معنا بهاي الحلقة و على جهدها المبذول و المتواصل لانجاح هذا المشروع. اذا عندكم اي سؤال خبرونا بالتعليقات

في حلقة اليوم حبيت احكي عن موضوع أنا حسيت حالي ضايعة لما بلشت فيه! و كالعادة اي شي بحس انه ممكن اعلق فيه او أواجه صعوبات فيه، بحب نحكي عنه و نجاوب على اكتر اسئلة ممكن تخطر ببالنا كأخصائيين عم نمرق فيه.و لاني مركز يلدز ساعدني و جاوبني على كل اسئلتي و ديانا اللي هيي ضيفتي لليوم كانت جداً متعاونة معي و مع كل حدا كان عنده سؤل، قولنا ما في غيرها يقدر يغطي الموضوع بشكل كامل.لهيك بتمنى تلاقوا كل المعلومات اللي بتحتاجوها و إذا في اي استفسار تاني ببالكم ما تتردوا لحظة و تحكوا معهم و تسألوهم عن كل شي ببالكم.

و بتمنى من كل قلبي تكون الرسالة وصلت لكل الاهالي، و نقدر نعرف و نقدر قيمة اطفالنا و كل شي بنقدمه الهم و هموا صغار و قديش رح ينعكس عليهم و على مستقبلهم🍀🤩مامؤن اليوم شارك معنا جزء كتير بسيط من حياته و رحلته مع ضعف السمع وكيف التقى بهبة اللي هيي اليوم مش بس زوجته كمان شريكته بمشروعهم العظيم💜كنت كتير محظوظة اني تعرفت عليكم و جد بتعطوا كل حدا امل كبير 🤩#لغة_اشارة #دعم #أهل #تميم_و_ريم #مشروع #عالمي

حلقة هاد الاسبوع كانت موجهه للناس و لضعاف السمع, لحتى نقدر نعرف اكتر شو المواقف و المشاكل اللي بمر فيها ضعيف السمع. هاشم شارك معنا اليوم جزء كتير كبير و ممتع, بتمنى تحبوا الحلقة و اذا عندكم اي استفسارات خبرونا وين ما بدكم :)

حلقة اليوم كتير استثنائية، و ملهمي الاول فيها و اللي خلاني ارجع اقدر اسجل هو واحد من مرضاي اللي اثر فيي كتير، رح احكي اليوم و بشكل كتير مختصر عن أشياء ممكن نعملها بشكل عفوي و بتزعج الاشخاص اللي يعانوا من ضعف السمع. بتمنى للجميع حلقة ممتعة

اول حلقة بالموسم الثاني و كثير كنا متحمسين نرجع!! ضيفتي كانت د. سارة الحنبلي و حكينا عن واحد من اكثر الاضطرابات جدلا في تخصصنا, مشاهدة ممتعة و اذا عندكم اي سؤال لا تتردوا :)

ضيفي اليوم د.أحمد الختاتنة -اختصاصي امراض و جراحة الانف و الاذن و الحنجرة- بورتسموث بريطانيا-, و رح نحكي عن كل شي يخص ضعف السمع المفاجى. اي اسئلة جديدة عندكم خبرونا لحتى نجاوب عليها :)

اليوم كان الحوار كتير حلو و ممتع مع اخصائية التعويضات الوجهية جود الترك و حكينا عن كل شي بخص التعويضات الوجهية!جاوبنا كل الاسئلة بس اكيد اذا عندكم اي سؤال تاني بتقدروا تخبرونا فيه لنجاوب عليه.

و ضيفنا لحلقة اليوم رح يكون د. ابراهيم عيسى,  رح نحكي عن اكثر الاسباب شيوعاً لضعف السمع و شو ممكن نعمل لعلاج كل حالة. دكتور ابراهيم استشاري طب و جراحة الأنف والأذن و الحنجرة في مستشفى الدكتور سليمان فقيه.

 بهيك بنكون جاوبنا كل الاسئلة اللي ضلت منكم للدكتور همام