Poore bharat mein alag alag naam se jaani jaati hai, iski gair maujoodgi kisi bhi thali ko suna kar de. Chapati kaho ya Roti full meal ka main ingredient hai roti, lekin phir bhi restaurants ke menu card mein aksar sabse neeche rehti hai. Kya hai roti ki kahani suniye Red Podcast ke Food Trails with Hem ke iss episode mein.   See omnystudio.com/listener for privacy information.

Bollywood ne har cheez pe gaana banaya. Chidya Nadiyaan jhumke, chanda, goonghat lekin epitome of writing was when akshay kumar danced on a song which had Samosa in it. Jab Tak Rahega Samose mein aloo guys. Hope you know the song. Samosa aur Aloo is so connected jaise chaand sitaare, Laila majnu, heer ranjha but Samose mein originally Aloo hota hi nahin tha. Shock laga. Details in this episode of Food Trails with Hem. Kahani Samose ki. See omnystudio.com/listener for privacy information.

Angrez chale gaye aur peeche inhein chor gaye. Angrezi bhi, Suit Pant bhi, Railway bhi Railway Mutton Curry bhi. Chalti train mein discover hui ye dish hai toh originally Bengali lekin angrezon ne aisa kya kiya ki iska naam pad gaya Railway Mutton curry jo abhi kuch saal pehle tak train mein as a listed item milta bhi tha. History on the wheels ki kahani mere yaani Hem ki zubaani only on Food Trails with Hem ke iss episode mein. Naush farmaiye Railway Mutton Curry for you guys. See omnystudio.com/listener for privacy information.

Bahut mixture hai bhai, thoda portugese, thoda Maharashtra, thoda UP, thoda ye thoda woh. Pao Bhaji jitni simple dekhne mein lagti hai na toh usko banana utna simple hai naa hi uski history. Industrial revolution ki dein, Mumbai ki pehchaan infact reason for some pride as well, Pao Bhaji jab Mumbai se nikal ke Maharastra aur wahan se nikal ke poore desh mein famous hone chali toh kisi ko andaaza bhi nahin tha infact aaj bhi nahin hai ki ye ek jugaad wala dish hai. Jugaad mein hindustaan number one hai aur Pao Bhaji jugaad ka FATHER of the Nation types, Jokes apart kya hai iski story history aur trivia along with some wada pao lets hear it in  this episode of Food Trails with Hem. See omnystudio.com/listener for privacy information.

David Lynch never said this but I am telling you, “even a bad patta of paani puri is better than no puri at all” Aur agar aapko doubt hai toh please speak to a female. Bhaiya paani puri ko lekar discussion ho sakta hai lekin uske baare mein disagreement kadapi nahin. Another quote if I may do so, A paani puri ka patta is mightier than a coffee date. Interpretation, comment box mein samjhaiye, filhaal sunie Paani Puri ki kahani Food Trails with Hem ke iss episode mein. See omnystudio.com/listener for privacy information.

Hindustaan mein jab jab khane ki baat hogi, Nihari ka zikr hoga hi hoga aur aisa main nahin kehta aisa itihaas hai. Humare bade buzurg kehte thae na ki jo kaam aap subah subah kar lo who din bhar saath rehta, dimaag mein, khayaal mein, jaisi ki early morning yoga ya meditation, Nihari hai hindustaan ki early morning treat. Awadh ka naashta. Awaam ka naashta. Ekdum nihar muh maane bina kisi swaad ke ek dum fresh muh se swad lijiye Food Trails with Hem ke iss episode mein kahani NIHARI ki. See omnystudio.com/listener for privacy information.

Gas ka ek chota chulha, aluminium ka ek layered dabba, muh se aag nikaal dene wali lal chutney aur 20 rupaye ki note. Swagat hai aapka, Indian street food scene ke sabse bade intruder ke thele par. Naam hai Momo jise log manoj bhi bula dete hain. Veg bhi Non Veg bhi aur ab toh Paneer ne bhi do do haanth kar liye hain. Har gali mein har market mein, students ki no 1 pasand iss Momo ki asli kahani hai kya, sunie mere yaani Hem ke saath Food Trails with Hem ki iss episode mein.   See omnystudio.com/listener for privacy information.

Woh gaana suna hai! Musafir hoon yaaron, naa ghar hai na theekha. Imagine agar ye gaana kisi khane ki cheez par picturise kiya jaaye toh woh kya hogi? Baati Chokha. Yes. Bihar se chalte chalte UP aur phir MP hote hue Rajasthan. Na ghar hai naa theekana wali line galat hogi ki kyunki Baati Chokha jahan jahan se guzra, woh wahin ka ho gaya, naam badla thoda ayaam badla lekin kaam tamaam ho gaya J   Suniye Baati Chokha ki kahani aaj ke episode Food Trails with Hem.   See omnystudio.com/listener for privacy information.

Invention kaho ya discovery kaho, unexpected jagah pe jab bhi hui legendary hui. Jaise ki kakori kebab. Chauk kyun gaye!! Ye sau feesadi sach hai ki kakori kebab ka RnD, Lucknow se kuch durr ek aam ke baad mein hua tha. Waise kakori wahi jagah hai jahan angrezon ke khazane se bhari train ko andolan kariyone loota tha aur bharat ke itihaas mein sada ke liye amar ho gaye. Suniye kakori kebab ki kahani Food Trails with Hem ki iss episode mein. See omnystudio.com/listener for privacy information.

Agar main aapse ye kahun ki kathi roll ke naam pe jo aap khaate aaye hain woh asal mein kaathi roll hai hi nahin. Scam 92 ki tarah, actually usse bada scam saalon se hota raha hai aur hum street food ke deewane chup chaap ye sab sehen karte aaye hain. Ek aur dhokha jo aksar log kha jaate hain woh hai roll aur Franky mein. Ghabariye nahin, aapka favourite street food vendor aapko koi galat cheez nahin khila raha bas uska naam sahi nahin bata raha, aur kya maloom usse bhi iska koi idea hi na ho.  Food Trails with Hem ke second episode mein parda uthega Rolls ki asliyat se.  Stay tuned. Presenting Episode 2, Kathi Roll and Frankie. See omnystudio.com/listener for privacy information.