Ástin - sería tvö er sex þátta röð sem er framhald af fyrstu seríu sem fór í loftið sumarið 2018. Í þáttunum tekst Nína Hjálmarsdóttir á persónulegan hátt við hin ýmsu málefni sem tengjast ástinni. Eru ekki allir að reyna að átta sig á henni? Umræðuefni þáttana eru meðal annars höfnun, genahrifning, stjörnuspeki og sjálfsást. Hún kafar ofan í fræðin, tengir við tónlist, deilir eigin reynslu og fær til sín marga viðmælendur á trúnó.