六位思想家、六本書，同一個問題：

為甚麼甚麼都有了，卻感覺不到自己活著？文章說，你缺的那樣東西叫 vitality——不是快樂，是「活著的感覺」：你是在參與自己的人生，還是只是經過它。

今集講嘅六個方法：

1. 向外望——Awe（震住）· Dacher Keltner《Awe》
遇到一樣大過你好多嘅嘢，你會暫時唔再望住自己，擔心即刻縮細。唔使去七大奇景：聽音樂、行山、望一場雷雨都得。

2. 向內尋——Flow（心流）· Mihaly Csikszentmihalyi《心流》
做一樣嘢做到好投入，快活不知時日過，連自己都唔記得。揀難度同能力啱啱好嘅事：太易會悶，太難會放棄。

3. 同人一齊——真正嘅 Fun · Catherine Price《The Power of Fun》
煲劇係舒服，按摩係享受，但唔係 fun。真正嘅 fun 要三樣夾埋：玩心（為做而做）、連繫（人、動物、大自然）、心流。

4. 打開自己——Vulnerability · Brené Brown
你唔俾人傷到你，你亦都唔俾人掂到你。承認你捱唔住、開口求人幫手，先係俾對方機會見到真正嘅你。

5. 容許「亦苦亦甜」——Bittersweet · Susan Cain《Bittersweet》
傷心、同埋開心溝埋嗰種感覺，唔會抵消快樂，反而令快樂更珍貴。你最活着嘅時刻，有時唔係最開心嘅時刻。

6. 望實痛苦——意義 · Viktor Frankl《活出意義來》
避唔到嘅痛苦，望實佢，唔好壓住佢。無論幾慘，冇人拎得走你揀點樣回應嘅權利。問自己：喺呢個我改變唔到嘅處境入面，我仲揀到啲乜？