Show notes
Lucía Junquera detense nas profundidades da poesía na celebración do seu Día Mundial. Celia 'Boyero' Riande enfróntase ó resto do equipo coa película de Pedro Almodóvar, 'Madres paralelas, que non lle gustou (indignante isto). High Paw afronta o Cuestionario Zeta de Anxo Fariñas, deixándonos en vilo coas súas dúbidas sobre o seu maior antirreferente galego. Ó final dixo Rajoy, pero intentaremos sacarlle nomes de artistas non filósofos off the record. Silvia López non cesa na súa apoloxía da verdade, pese ás defensas que algúns fan do mentir. Aínda así, ela mantense firme e tenta convencer con referencias como Siloé ou as Tanxugueiras. Ana Abad tráenos na súa colaboración o teatro Gorrilla, a proposta de programación de artes escénicas nos bares de Churruca, en Vigo, co actor Sergio Llauger, programador desta iniciativa, prestando testemuño. Pola súa banda, Tamara Andrés chegou ó estudio para celebrar tamén connosco o Día da Poesía, co poeta Mario Obrero como convidado especial.

