Show notes
Este é o programa número 50, e ao mesmo tempo o primeiro. 50 programas escoitando a xente nova moi talentosa de todas as disciplinas artísticas. Pero tamén é o primeiro, porque queremos que este espazo sexa máis diverso, que sexa un lugar para a reflexión, e tamén para pasalo ben. Comezaremos falando coa poeta e performer Helena Salgueiro. Ademais, Celia falaranos á súa maneira de 'Ons', de Alfonso Zarauza, e Sara Donoso contaranos como foi o Certame Auditorio de Galicia. Na segunda metade, Anxo someterá a Nuno Pico ao cuestionario máis difícil da súa vida; Silvia fará de ponte entre a tradición e a nosa xeración a través de ditos populares, e a colaboradora Tamara Andrés levaranos ao universo literario de Gabriel García Estévez. Benvido todo o mundo ó novo Diario Cultural Zeta.

