Show notes
ثالث حلقاتنا الخاصة من سلسلة «سيما في التلفزيون»، اللي بنختار فيها مسلسلات خرجت بره القالب التلفزيوني التقليدي المخصص لتسلية المشاهدين في البيوت وأصبحت مشاريع فنية حقيقية.
الحلقة عن مسلسل ظهر في سنة استثنائية في تاريخ إنتاجنا التلفزيوني، سنة حرة ومتنوعة وتاريخية. بنتكلم عن الموسم الرمضاني لعام 2013، وعن «موجة حارة»، من إخراج محمد ياسين، وكتابة مريم ناعوم، عن رواية «منخفض الهند الموسمي» لأسامة أنور عكاشة. هنتكلم إزاي المسلسل كسر كتير من تابوهات التلفزيون، مش بس في القصة والدراما لكن كمان في الاختيارات الفنية، وإزاي ممكن يبقى التخريب منجز فني يستحق التقدير، وإيه أكتر عادة تلفزيوينة رسوخًا قدر المسلسل يفتتها.
يقدم الحلقة بسام مرتضى، وتستضيف مدير تصوير المسلسل عبد السلام موسى والكاتب والروائي اللبناني هلال شومان.
