Siman pasá Marlon Reina a papia ku Albert Schoobaar tokante nan miedu, i podisé e miedu mas grandi di Kòrsou: hamber. E siman aki e kombersashon ta sigui, ku mas atenshon na e papel ku nan mes ke i por tuma den futuro. Pasombra mester atendé ku miedu, trouma i tur otro kos ku ta stroba nos desaroyo.

Komo ku e siman aki Kòrsou lo a selebrá Karnaval, Marlon Reina ta puntra nos deklamadó Crisen Schorea, ku ta sosiólogo tambe, kiko e ta pensa di e ponensia ku ora di karnaval si, nos por traha huntu, tuma inisiativa i organisá na grandi.