Wo humsafar tha magar us se humnawaai na thi Ki dhoop chhanw ka aalam raha judaai na thi Na apna ranj na auron ka dukh, na tera malaal Shab-e-firaq kabhi humne yoon ganwaai na thi Mohabbaton ka safar is tarah bhi guzra tha Shikasta-dil the musafir shikasta-paai na thi Adawatein thi, tagaful tha, ranjishein thi bahut bichhadne wale mein sab kuch tha, bewafaai na thiBichhadte waqt un aankhon mein thi humari ghazal Ghazal bhi wo jo kisi ko abhi sunaai na thi Kise pukar raha tha wo dubta hua dinSada to aayi thi lekin koi duhaai na thi Kabhi ye haal ki donon mein yak-dili thi bahut Kabhi ye marhala jaise ki aashnaai na thi Ajeeb hoti hai raah-e-sukhan bhi dekh ‘Naseer’ Wahan bhi aa gaye aakhir, jahan rasaai na thi. – Naseer Turabi