It’s a tree talking. Lamenting the cutting of forests. Its a take on our politicians who are responsible for destroying the forests yet stand under umbrellas and plant saplings to celebrate vanamahotsav.

वनमहोत्सव

हांव ह्या वनांत तग मारुन आसा
कारण म्हज्या मदेराक दर ना
एका काळार एकमेकांक घश्टून
उजो पेट्टाली तीं दाट रानां
आतां काणयेतूच उरतली
आतां हांगा वनांत
पयलींसारको गुपाट काळोख ना
सुर्याची किरणां आतां
धरतरेचो उमाव घेतात
एका झाडाची खांदी
दुसर्‍या झाडाक तेंकना
दाट वनांत रावपाची
संवकळ आशिल्ली जनावरां
आतां रानांत रावूंक भियेतात
कोले, वाग, हत्ती
खाण सोदूंक गावांत वतात
सुकणीं घोंटेर बांदूक विसरल्यात
रानांत आतां गांव वसपाक लागल्यात

आनी गावांत
आतां मनशांभितर नवें फॅड आयलां
जंगलां वाटावपाचे
झाडां रोवपाचे
झाडां जगोवपाचे
पावसांत सत्री हातांत घेवन
वनमहोत्सव करपाचे

जांणी वनां काबार केली
म्हजे शेजारची तरणी टवटवीत
झाडां मारुन लाकडां केली
तांच्याच हातांत वनमहोत्सव मनयतात
आनी आमी रानांतली झाडां
हें सगळें मोन्यांनी पळयतात !

उदय नरसिंह म्हांबरो

Listen to more poems at https://www.bookwormgoa.in/category/savemollem/