طفولتنا صفحه بيضه كتبنا وشخبطنا كتير عليها... تفتكر إيه منها إتمسح وإيه لسه معلم فيها

السفرة أول مدرسة قعدنا على كراسيها تعلمنا يعني ايه حب و انتماء، يعني ايه عيله، و يعني ايه ادب فالأكل والاستماع و الكلام. اتعلمنا ازاي نحكي قصص ونقول نكت بكل كرم وتواضع واحترام.السفرة ذكريات بنفتكرها ونفكر بعض بيها . ذكريات بنشوفها و نسمعها، بنشمها و نحس بيها.السفرة أول مكان عرفنا الاتفاق عالاختلاف، بالشوكه بالمعلقه، بالعيش بالرز. المهم تكون نفسك مفتوحه و تفتحلنا نفسنا معاك.اتفضلو معانا كل أسبوع مش بس عالاكل، ده على فكرة، على ذكرى تقربنا من بعض ونقرب بيها من نفسنا. اتفضلو معانا من غير عزومة تحكولنا ونحكلكو على قعدة سفرة.Instagram page:https://instagram.com/a3detsofra?igshid=YmMyMTA2M2Y=