Para acadar o trono de Galicia, García precisa o apoio da nobreza galega. Os aristócratas pídenlle que renuncie á súa amante Lindona, para casar coa infanta de Portugal, Leonor.&nbsp;
-----
Esta é a dramatización sonora da obra "La Lindona de Galicia" coa que o Consello da Cultura Galega conmemora o Día Mundial do Teatro. Escrita a primeiras do século XVII por Andrés de Claramonte, esta peza teatral combina a lingua castelá e a galega. A obra conta unha historia sorprendente: na ambición de facerse co trono de Galicia, o rei García rexeita a súa antiga amante Lindona, unha brava señora que domina o reino desde o seu castelo das terras de Ribadulla.
Dramaturxia e dirección: Tito Asorey
Sonorización: Chus Silva
Intérpretes: Melania Cruz, Sergio Zearreta, Josito Porto e Tito Asorey

A Lindona de Galicia - Capítulo III

Neste perfil podes escoitar os diferentes proxectos de podcast producidos polo Consello da Cultura Galega. O noso primeiro proxecto foi A Lindona de Galicia (2021), unha adaptación sonora dunha obra de teatro do Século de Ouro en galego e castelán. O novo proxecto é A Camisa, a emblemática obra teatral de Lauro Olmo, estreada en Bos Aires en galego en 1960 e na súa lingua orixinal, o castelán, en Madrid en 1962.