Ich ha Luscht gha uf noiä Träsch und bi drum go luege, weles Format ich noni kenn. Bi schnäll fündig worde und ha mr mal chli «Meik Löv, Feik Löv» ine zoge.

Absurdi Zämmehäng

D Gurkä lauft mit offene Auge und Ohrä dürs Läbe und wunderet sich oft über ihri Mitmönsche. Es git irgendwiä ächt nüt wos nid git. D Gurkä isch ja eigentlich es Meitli und doch wott d Gurkä nid so rächt is Meitli-Schublädli passä. Schminkzüg haltet d Gurkä für Operationsbschteck und Shopping chönnt au ä Provinz in China si - wär weiss das scho so genau?