Wiä chas si, dass es es Lüt git, wo offesichtlich inkompetänt si und das eifach nid merke? Wo trotzdäm schtrotze vor Sälbschtvertraue?

Huutverschteigerig

D Gurkä lauft mit offene Auge und Ohrä dürs Läbe und wunderet sich oft über ihri Mitmönsche. Es git irgendwiä ächt nüt wos nid git. D Gurkä isch ja eigentlich es Meitli und doch wott d Gurkä nid so rächt is Meitli-Schublädli passä. Schminkzüg haltet d Gurkä für Operationsbschteck und Shopping chönnt au ä Provinz in China si - wär weiss das scho so genau?