Rafmagn færir okkur gleði um jólin. Við nýtum raftækni til að færa hlustendum fyrirframupptekinn Þorláksmessuþátt svo Davíð tæknimaður komist í jólafrí. Ryksugur, leysigeislar og uppþvottavélar rata í umræðu þáttarins og mögulega í pakka undir jólatré.

Fjárfesting – skemmtiþáttur um fjármálin er glænýr gaman- og fræðsluþáttur sem ber ekki undir neinum kringumstæðum að túlka sem fjármálaráðgjöf. Hákon Jóhannesson og Matthías Tryggvi Haraldsson kanna óravíddir fjármálaheimsins án þess þó að vita neitt um fjármál. Þeir fá til sín góða gesti, viðskiptafyrirsagnir vikunnar eru á sínum stað og orðið er frjálst þegar opnað er á símann. Sérstakir ráðgjafar þáttanna eru Stefán Michaelsson og Vigdís Hafliðadóttir.