EP461｜我們愛港產片嗎？｜#半夜場 from 半夜微醺Drunkirk

哪怕大家覺得香港電影幾咁寒冬幾咁慘淡都好，大約復活節呢啲時間就係大家熱烈討論港產片嘅旺季，因為金像獎頒獎典禮又再令港產片攝入大家眼球，而最大話題竟然係讀唔讀得啱個名，不論係佈幕員讀江爗生定陳國邦讀瀨冧吸叻喇，都成為大家焦點。不過觀眾亦無遺忘電影本身，而香港人的傲氣永不磨滅，繼擔心Juno唔夠錢拍戲、捐錢畀李嘉誠，以及擔心江旻憓工作前途，如今香港人認為風林火山攞得幾個技術獎不算甚麼，外國人見到以為以前香港個個都係Bruce Lee咁好打，今日人人都John Woo咁識拍戲。

有網民認為金像獎唔公道，無錯，有獎就有人話唔公道，有乜理由尋秦記一個獎都無。嗱，由治及興的香港，的確有幾分社會主義味道。做乜要秤下邊套戲好啲啫，拎走個磅佢，一人一個獎，唔好畀啲鬼佬睇唔起！不過另一方面，網民又覺得金像獎只係業內小圈子選舉，唔公平，可見香港人公民意識抬頭，我要有權選男主角，甚至選最佳剪接，大大力打邱禮濤博士一巴，香港人就係要用常識(如有)選我唔識嘅獎，呢啲就係純粹的民意。

當然，金像獎個獎座個女神舉起個波，啋你都傻，同樣屹立於尖沙咀海旁，飛奔文化大漠中，不畏懼冷風似刀，對著香港電影和電影界，就算有劍客三少爺的武藝和暴力，都要平衡專業追求同觀眾期望，柔情在心內，獎項記春秋，金像留著你的記號時，香港人講咗差不多二三十年的「拯救港產片」好似成為永續社運咁，你有你賣樓，我有我讀博士。已不再是翻版猖獗或跪求內地票房的時代，港產片問咗一次又一次何去何從，其實仲去唔去，又從乜呢？

-----------------------------

🗣️ 傾密計去Discord～：https://discord.gg/N24SpkP8m4

💁🏻‍♀️ 買嘢呢邊請：https://www.drunkirk.shop/

▶️ IG：

節目精華：https://www.instagram.com/xxdrunkirkxx/

𝗦𝗵𝗼𝗽：https://www.instagram.com/drunkraft/

加入天文學會，你唔會後悔。⬇️

Youtube會員：https://bit.ly/3u85q1L

Podcast會員：https://apple.co/3AVfRqD

一週工作尾聲，讓我們微醺一點。

眾人皆醉我更醉，微醺中更清楚面對自己、看見世界。

逢星期三、五晚上，使我們在死前多一點品味。