Helga Birgisdóttir er nýjasti gestur Spjallsins með Frosta Logasyni. Hún starfaði í 36 ár sem hjúkrunarfræðingur (m.a. á bráðageðsviði) og ljósmóðir og er í dag NLP meðferðar- og markþjálfi. Hún segir heilbrigðiskerfið á Íslandi í raun vera orðið helsjúkt þar sem of mikil áhersla sé lögð á lyf og sjúklingar fái ekki næga athygli frá umönnunaraðilum. Helga segist hafa fengið hálfgert áfall þegar hún fylgdist með kollegum sínum í heilbrigðisstétt hvetja fólk í Covid bólusetningar með efnum sem rannsóknir höfðu sýnt að væru bæði gagnslaus og hættuleg. Hún segir að fjöldi virtra fræðimanna hafi reynt að benda á skaðsemi bólusetningana en þeir hafi jafn harðan verið teknir niður af fjölmiðlum og ráðandi öflum í heilbrigðisstétt.