Nan premye epizòd Ban m di w sa a, m ap gade jan nou leve tifi pou yo pèdi tan yo epi pèdi tèt yo nan relasyon ak gason an Ayiti. Youn nan 2 envite nou yo rele sa madjigridji. Ansanm, nou gade jan sosyete a fè tifi ki tounen fanm pita peye byen chè pou sa. Istwa envite yo pèmèt nou pi byen konprann ijans ki genyen pou moun ki konsyan de madjigridji sa a pou yo chavire chodyè a. M ap kontan li opinyon w anba epizòd sa a. Ou ka kite kòmantè nan seksyon ki fèt pou sa sou platfòm w ap tande pòdkas STZL la.