可能好多人同我一樣都係由2015年先認識ONE PROMISE，但佢哋前身Empty係由2002年已經組成，所以計計埋埋其實佢哋夾咗20年band㗎啦！被網民稱為「地獄黑仔band」嘅ONE PROMISE喺呢20年遇過好多難關，甚至而家四子都各自有副業需要兼顧。即使生活、工作幾忙碌，音樂仍然喺佢哋生命之中佔咗一個好重要嘅部分。話說佢哋答呢條問題嘅時候特別理直氣壯，可以感受到佢哋有幾鍾意音樂，而音樂都成為咗佢哋嘅必需品。