半桶水不再半桶水，只要相信夢定能追。 全新《無非想Podcast》正式登場！第一集現已上架。 無非想快樂，就去搵快樂； 無非想去玩，就盡情去玩； 無非想放空，就即管畀自己放鬆； 無非想追夢，咁仲等啲咩？ 我係毛飛，無非想了解多啲呢個世界，透過製作Podcast強迫自己放低所有藉口，認真了解，輕鬆分享。 新一季嘅第一集同大家輕鬆傾傾呢個宇宙？！ Instagram 🔎 https://www.instagram.com/mofaypodcast –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

人同人之間嘅疏離感越嚟越強烈、香港獨有嘅人情味買少見少、科技令我哋長期處於這麼近那麼遠嘅距離，呢樣嗰樣都令到我哋好似唔再識得同人相處，大家都好似只可以自己顧自己咁？我哋到底有咩可以做呢？ 有日行過書店，隨機拎起咗一本叫《怎麼連結》嘅書，作者一行禪師話：「我們在這裡，從彼此分離的假象中覺醒。」好似突然點醒咗我一下，再揭多一兩版睇多一兩段，差啲喺書店流淚，簡單概念令人好感觸，嗱嗱聲闔返埋本書衝去畀錢，然後返屋企慢慢喊；尋晚為咗今集翻睇一次，眼淚又突破咗我條淚腺。 社會之事未解決到，疏離嘅問題越嚟越嚴重，不如就試下簡單地回到自身，搵返一個管理自己狀態嘅平台。我本身都唔太理解正念、禪修或者冥想嘅概念，但係一行禪師呢個系列嘅書解釋得非常清楚、好淺白，佢唔係叫你要做啲咩修行，只係教你喺日常生活中，點樣用啲最平常嘅方法一步一步咁去覺察自己，聆聽自己，點樣去搵返內心嘅平靜，細細本，短短地，值得一睇。 溫提，今集將會係半桶水(season 1)嘅最後一集，你唔係唔聽呀嘛？ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

日子有時係好難過，就好似每日望住啲新聞，一邊慨嘆呢個世界嘅荒謬，一邊只可以無奈地接受呢個現實。人生就係咁樣，充滿住苦澀嘅味道，但有時只要將所有嘢都當係過程，每一步都盡力去行、盡力去試，可能到有一日你望返轉頭，會發現某啲曾經好痛苦嘅經歷，會成為你人生最重要嘅轉捩點。 今集有埋Phybe同阿爽同我一齊傾下大家嘅轉捩點，而呢啲轉捩點又點樣成就我哋成為今日嘅自己呢？ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

「讓年輕人聽完大呼：想成為他那樣的大人！」 事緣聽咗阿占喺讀賣Sunday介紹《淺草小子》，一套講述北野武前半生嘅電影，即日就喺Netflix睇套戲，睇完第2日就忍唔住衝去書店搵下佢寫嘅書，揀咗呢本《全思考》。精簡嘅文字加埋佢用類似散文嘅形式去寫，我好似用咗4日就睇完，佢用一種好坦率直接嘅態度去分享佢喺五件事上面嘅睇法，包括生死、教育、人際、規矩同電影。其中一篇講「人人生而不平等」好值得同大家分享下，即刻去聽下啦！ 📚毛飛今集推介書： 《全思考》- 北野武 Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

疫情前有政府指定營地，揀去邊都已經要諗好耐，而家諗去邊就難上加難！今集同大家簡單介紹下指定營地、非官方營地、收費場同埋X位嘅分別，睇下你又最鍾意邊種露營方式多啲！ btw而家體力差咗，連去兩星期真係好攰。 Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

今集搵咗兩個好朋友同我一齊傾計，每次同佢哋傾計都會唔小心傾到好Deep😂（有時仲會有啲啲…沉重）但今集內容保證唔沉重，放心😎 ☝🏽其實6/7年前我哋已經好想講今日講嘅Topic，至於點解拖咁耐，你聽咗就會知… ☝🏽有Phybe嘅笑聲同阿爽啲金句，我feel到我成個節目即刻升咗幾個Grade。 ☝🏽如果你鍾意聽我哋呢個3人組合，記得留言話我哋知呀！ （雖然我哋已經決定咗要錄下一集） 聽完記得Subscribe埋 🔎 半桶水 Fool of Water！ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday –––––––––––––––––––––––––––––– –––––––––––––––––––––––––––––– Track: A Turning Point — Artificial.Music [Audio Library Release] Music provided by Audio Library Plus Watch: https://youtu.be/gMyMGPD04sE Free Download / Stream: https://alplus.io/turning-point ––––––––––––––––––––––––––––––

好興奮呀，又到咗露營季節！我feel到呢排旺角、觀塘啲賣露營嘢嘅鋪頭會逼爆晒人，嚟緊我都準備帶啲新手朋友去瘋狂買嘢，唔知會唔會撞到大家呢？不過，行山露營做嘅準備，又點只入手Gear，心理上嘅準備都非常重要，一個正確嘅心態唔只保護生態，同樣地都係保護自己！今集同大家講下咩係無痕山林/山野無痕 （LNT, Leave No Trace），一齊錫個大自然多啲啦～ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

今集強烈建議用1.5X速嚟聽，因為我都覺得有啲長。特別如果你已經睇咗《沙丘瀚戰》，甚至可以飛走頭6分鐘嚟聽，因為主要係講解下個故事背景，後半part先講下我嘅小小愚見。但呢套書真係好痴線，我已經導咗身邊好多人落坑一齊睇呢本書，希望你聽完呢集都會有興趣睇啦！ 半桶水推介書：《沙丘》- 法蘭克．赫伯特 Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

大家坐定定睇Music Show唔悶㗎咩？正所謂「舉高隻手，使乜怕醜！」音樂係用嚟享受，特別係有得係現場睇點可以唔投入。外國或者啲Indie啲嘅Show有種文化叫Moshing，就係一大班人喺度撞嚟撞去，全部好似痴咗線咁，我第一次見到嗰陣都有嚇親，後尾了解咗之後發現，其實真係一件超熱血嘅事（不過我都係唔敢參與…）！ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––

最近分別同幾個朋友都傾開，其實呢段時間好需要搵啲嘢學，我非常認同，因為我幾個月前，都決定學返我十幾年前學過嘅樂器 - 打鼓！細個只係跟教會啲哥哥學咗少少，又同啲同學仔夾咗隊Band叫Crusaders（十字軍），但係同十字軍東征一樣，打咗幾次就失敗咗（笑），最主要都係因為讀書關係而放棄；不過機緣巧合下，令我重新pick up返呢個樂器，佢仲令我搵返我人生嘅一條軸心，唔知呢集會唔會都inspire到你，搵返你嗰條人生軸心呢？ Instagram 🔎 https://www.instagram.com/foolofwatermofay –––––––––––––––––––––––––––––– Track: Someday — Roa [Audio Library Release] provided by Audio Library Plus Watch: https://youtu.be/GTjQgOwbNPo Free Download / Stream: https://alplus.io/someday ––––––––––––––––––––––––––––––