五一懲罰祭，為你送上《精神光時屋》五一特別篇。 【香港品牌】 疫情下， 政府又限聚又禁堂食又安心出行，近排仲要推行埋食肆「ABCD」四級制，食個飯都搞都鬼死咁麻煩，唔少人都寧願喺屋企自己下廚，趁呢段時間惡補吓廚藝。 今集節目介紹嘅呢一個香港品牌你未必聽過佢個名，但你好有可能已經試過佢哋嘅醬料。 最新一集《精神光時屋》我哋邀請到煮飯好幫手嘅創辦人Anakin上嚟節目分享，佢嘅品牌創立喺2020年，主力提供馬來西亞特色醬料湯包，為疫情下無法外出晚飯嘅市民同一班下廚初哥，提供更輕鬆嘅煮食體驗。訪問中，佢談及成立品牌初衷原來同成長背景與英國Working holiday嘅經驗有關，但作為一個土生土長嘅香港人，究竟Anakin 點解會選擇以馬來西亞醬料嚟創立佢嘅品牌呢？嚟緊佢又有無計劃研發屬於香港嘅醬料呢？節目中Anakin逐一分享…… 【神秘環節】 今集五一特別篇點只咁少節目內容，我哋仲準備咗神秘環節畀各位忠實聽眾，想知係咩嚟？咁就要記緊收聽最新一集《精神光時屋》啦～ ————————— 世界再壞，仍舊不怕。 長夜再黑，總有光時。 身處噤聲嘅時代， 同路人嘅一字一句， 都顯得更為可貴。 哪怕長夜再黑暗，只要相信， 我哋仍然有可能成為彼此嘅光。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣

【香港品牌】 re start係一間本地手製純素護膚品小店，佢成功入選《小店發光時》計劃，以免上架費嘅形式登陸光時網站，產品反應亦相當熱烈。 第五集《精神光時屋》我哋邀請到老闆娘Maggie上嚟分享，原來喺2017年，當時Maggie飽經情緒病嘅困擾，喺呢段人生最低谷嘅時間，佢毅然辭咗全職，獨自創立咗re start呢間公司。顧名思義，re start即係「重新開始」，除咗係公司嘅名稱，也承載住Maggie對自己生命嘅一份祝福…… 究竟佢係點樣捱過生命中最難嘅一個關口呢？ 【手足家書】 今集「手足家書」我哋收到被捕手足阿游嘅來信， 仲有唔夠十日佢嘅案件就要正式開審，佢形容自己係一個無未來嘅人，，何去何從，一切都係自己嘅掌握之外。有時佢都會諗，當初嘅選擇係咪正確嘅呢？但阿游話，既然事實都改變唔到，佢只係希望喺抗爭路上，請大家謹記每個犧牲左嘅人，捉緊信念。 ————————— 世界再壞，仍舊不怕。 長夜再黑，總有光時。 身處噤聲嘅時代， 同路人嘅一字一句， 都顯得更為可貴。 哪怕長夜再黑暗，只要相信， 我哋仍然有可能成為彼此嘅光。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣

【香港品牌】 今年本地首個汽水品牌Relaz 正式創立，佢哋除咗係「香港第一」，亦都係亞洲第一間推出CBD汽水嘅品牌， 好榮幸佢哋參加咗我哋《小店發光時》計劃，以免上架費嘅形式登陸光時網站，就喺幾日前佢哋嘅汽水正式喺光時發售，反應非常熱烈。 第四集《精神光時屋》我哋邀請嚟Relaz嘅創辦人Ken，佢話成立品牌係啟發自香港人長期受生活壓力所困，生於香港這個高壓城市，佢哋發現市面上主流紓壓產品，即係煙酒， 都好不健康，於是決心創出一款可以將「悠閒」放入香港人生活，又能夠適合唔同階層嘅人嘅產品，陪伴每代港人踏出不同嘅未來。而佢哋最終嘅目標係顛覆大眾對汽水嘅定義，甚至希望有一日將香港汽水帶上國際舞台。 【手足家書】 今集「手足家書」我哋收到剛出獄手足04嘅來信， 佢提醒大家高牆入邊仍然有好多手足仍然未放棄，不斷鍛鍊身體同增進知識， 期望他日能夠再以另一種形式回饋呢個孕育佢嘅家─香港。由2019年被捕，再到2020年經歷審判同監禁，終於喺2021年重獲自由， 佢喺呢兩三年間根本無辦法計劃將來嘅事，佢又係點樣支撐過去？ 呢封信佢一一紀錄低…… ————————— 世界再壞，仍舊不怕。 長夜再黑，總有光時。 身處噤聲嘅時代， 同路人嘅一字一句， 都顯得更為可貴。 哪怕長夜再黑暗，只要相信， 我哋仍然有可能成為彼此嘅光。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣

【香港品牌】 香港蒸餾所始建於2016年，由香港不同大學的研究生、博士、科研及工程人員組成，大部分人認識蒸餾所都係因為佢哋嘅護膚品。我哋今集邀請到負責人Benny上嚟節目分享，原來佢哋一開始嘅業務只係做科研器材設計、工程顧問， 究竟點解佢哋會有咁樣嘅轉變呢？香港工業式微， 如果話係夕陽工業相信冇咩人反對， 咁究竟呢一班研究生、博士點解仍然願意加入呢一行， 成為「夕陽下的人」呢？ 【手足家書】 今集「手足家書」我哋收到聽眾阿希嘅來信，信入面佢分享咗細個嘅時候寫嘅一篇「我的志願」，但係到大個咗先發現現實同細個嘅幻想充滿着好大嘅落差，真假、是非、黑白嘅界線喺真實世界上並唔係咁清晰。但佢仍然希望透過呢一封信，記錄住佢對呢個城市嘅反思，亦借此鼓勵一班仍然堅持緊嘅同路人毋忘「赤子之心」。 ————————— 世界再壞，仍舊不怕。 長夜再黑，總有光時。 身處噤聲嘅時代， 同路人嘅一字一句， 都顯得更為可貴。 哪怕長夜再黑暗，只要相信， 我哋仍然有可能成為彼此嘅光。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣

【香港品牌】 「貓毛會社」係一間香港印衫製旗製袋工作室，佢哋堅持香港人手印刷，仲話要重新定義香港製造！？今集，就邀請咗貓毛會社老細阿凱同佢一班同事解釋吓重新定義香港製造嘅意思，同埋原來「貓毛」呢個咁可愛嘅名稱，背後代表住一條隕落嘅生命…… 【手足家書】 今集手足家書，收到被捕手足阿詩嘅來信，佢形容被捕之後生活就變成咗一個倒數遊戲， 但係你並唔知道呢一場遊戲、 呢一場惡夢幾時先會停，一 切都係自己掌握之外。 喺經歷過一段時間嘅掙扎同迷惘之後， 阿詩有咗另一番嘅反思， 於是寫低咗呢封俾香港人嘅信， 記錄住佢對呢個城市嘅盼望。 ————————— 世界再壞，仍舊不怕。 長夜再黑，總有光時。 身處噤聲嘅時代， 同路人嘅一字一句， 都顯得更為可貴。 哪怕長夜再黑暗，只要相信， 我哋仍然有可能成為彼此嘅光。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣

【香港品牌】 餐廳「壹碗壹碟」上年喺國安法實施的翌日，有警員就到位於筲箕灣分店勸喻店主清走店內文宣，其後更一度停業，究竟事情後續係點樣呢？今集，就邀請咗壹碗壹碟負責人Teddy解釋返事件嘅來龍去脈，同埋點解佢哋自稱「M7團隊」呢？原來背後有個感人嘅故事…… 【手足家書】 幾日前嘅年卅晚，大家有無同屋企人食團年飯啊？ 團年飯嘅意義在於一家人齊齊整整、團團團團咁迎接新一年。 但對於一班在囚手足嚟講，同家人食餐團年飯似乎係一件遙不可及嘅事。 今集手足家書，我哋邀請咗出獄手足阿琛，分享佢上年農曆新年喺監獄中渡過嘅經歷，以及喺監獄中感到最無奈的事…… 【光時收聲】 走過艱苦的鼠年，我地終於迎嚟牛年。 早前我哋收集咗聽眾喺新一年嘅願望，一齊嚟聽下香港人對未來嘅展望。 ————————⠀⁣ 長夜再黑 總有光時⠀⁣ HKongs.com ⠀ MeWe: 光時 HKongs Facebook: @hkongsofficial⁣ Instagram: @hkongs_official⁣ Telegram: @hkongs⁣ ⁣