Show notes
អ្នកសិក្សាស្រាវជ្រាវការអភិវឌ្ឍសង្គម និងនយោបាយ មើលឃើញថា ចិននៅមិនទាន់កែប្រែឥរិយាបថរបស់ខ្លួនជុំវិញការធ្វើឱ្យប្រសើរឡើងវិញនូវគម្រោងនានាពាក់ព័ន្ធនឹងគំនិតផ្តួចផ្តើមខ្សែក្រវ៉ាត់ និងផ្លូវ (BRI) ដើម្បីឱ្យមានតម្លាភាព ប្រសិទ្ធភាព និងការទទួលខុសត្រូវនៅកម្ពុជានៅឡើយទេ។ ការលើកឡើងនេះ ស្របពេលដែលថ្មីៗនេះ អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃស៍ វ៉ច្ឆ (Human Rights Watch) រកឃើញថា ការសាងសង់ទំនប់វារីអគ្គិសនីសេសានក្រោម ២ ដែលជាផ្នែកមួយនៃគម្រោងខ្សែក្រវ៉ាត់ និងផ្លូវរបស់ចិននេះ បានរំលោភសិទ្ធិមនុស្ស បំផ្លាញបរិស្ថាន និងបានធ្វើឱ្យពលរដ្ឋមូលដ្ឋានជិត ៥ពាន់នាក់ បាត់បង់ទីជម្រក។

